கணவனை இழந்த பெண்களுக்கு ஓய்வூதியம் கொடுக்கும் மத்திய அரசு - எப்படி விண்ணப்பிப்பது?

1 /8

இந்திரா காந்தி தேசிய விதவை ஓய்வூதியத் திட்டம் (IGNWPS) இந்திய அரசின் ஊரக வளர்ச்சி அமைச்சகத்தால் செயல்படுத்தப்படுகிறது. இது சமூகத்தின் ஏழைக் குடும்பத்தின் (பிபிஎல்) விதவைகளுக்கு சமூகப் பாதுகாப்பை வழங்குவதற்கான பங்களிப்பு இல்லாத ஓய்வூதியத் திட்டமாகும்.

2 /8

40 வயது முதல் 79 வயது வரை உள்ள விதவைகளுக்கு மாதம் ரூ.300/- ஓய்வூதியம் வழங்கப்படுகிறது. 80 வயது மற்றும் அதற்கு மேல் உள்ளவர்களுக்கு ஓய்வூதியம் மாதம் ரூ.500/-.வழங்கப்படுகிறது.

3 /8

இந்திரா காந்தி தேசிய விதவை ஓய்வூதியத் திட்டத்தின் (Indira Gandhi National Widow Pension) கீழ் உள்ள தகுதிகள் என்னவென்றால் விண்ணப்பதாரர் 40-79 வயதுக்குட்பட்ட விதவையாக இருக்க வேண்டும். விண்ணப்பதாரர் அரசாங்கத்தால் பரிந்துரைக்கப்பட்ட அளவுகோல்களின்படி வறுமைக் கோட்டிற்கு கீழ் வாழும் குடும்பத்தைச் சேர்ந்தவராக இருக்க வேண்டும். 

4 /8

இந்த திட்டத்தின் கீழ் நிதியுதவி பெறும் பெண்கள் மறுமணம் செய்தால் ஓய்வூதியம் நிறுத்தப்படும். அதேபோல் வறுமை கோட்டின் அளவுகோல்களை கடந்தாலும் ஓய்வூதியம் கிடைக்காது. 

5 /8

இந்திரா காந்தி தேசிய விதவை ஓய்வூதியத் திட்டத்துக்கு ஆன்லைன், ஆப்லைன் என இரண்டு விதங்களிலும் விண்ணப்பிக்கலாம். UMANG செயலி வழியாகவும் விண்ணப்பிக்கலாம்.    

6 /8

https://web.umang.gov.in/web_new/home என்ற இணையதளத்துக்கு செல்ல வேண்டும். மொபைல் எண் மற்றும் OTP ஐப் பயன்படுத்தி உள்நுழையலாம். அங்கு NSAP என்ற ஆப்சனை தேர்வு செய்ய வேண்டும். "ஆன்லைனில் விண்ணப்பிக்கவும்" என்பதைக் கிளிக் செய்யவும்.

7 /8

அடிப்படை விவரங்களைப் பூர்த்தி செய்து, ஓய்வூதியம் செலுத்தும் முறையைத் தேர்வுசெய்து, புகைப்படத்தைப் பதிவேற்றி, "சமர்ப்பி" என்பதைக் கிளிக் செய்யவும். தேவையான ஆவணங்கள் என்னவென்றால், கணவரின் இறப்புச் சான்றிதழ், விதவை சான்றிதழ், பிபிஎல் அட்டை ஆகியவற்றை கொடுக்க வேண்டும்

8 /8

வயதுக்கு, பிறப்புச் சான்றிதழ் அல்லது பள்ளிச் சான்றிதழை கொடுக்கலாம். அவை இல்லை என்றால் ரேஷன் கார்டு மற்றும் EPIC ஆகியவற்றை ஆவணமாக கொடுக்கலாம். சரியான ஆவணம் இல்லை என்றால், வயதுச் சான்றிதழை அரசு மருத்துவமனையின் மருத்துவ அலுவலரிடம் சான்று பெற்று சமர்பிக்கலாம்.