EPFO: ஊழியர் வருங்கால வைப்பு நிதி அமைப்பின் (EPFO) வேலைவாய்ப்புடன் இணைக்கப்பட்ட ஊக்கத்தொகை (ELI) திட்டத்தின் கீழ் சலுகைகளைப் பெறுவதற்கு யுனிவர்சல் கணக்கு எண்ணை (UAN) ஆக்டிவேட் செய்வதற்கான காலக்கெடு ஜனவரி 15, 2025 ஆகும். அதாவது, இந்தப் பணியை முடிக்க இன்னும் 3 நாட்கள் மட்டுமே உள்ளன.
ELI திட்டத்திற்கு UAN மற்றும் ஆதார் இணைப்பு தேவை
கடந்த 2024 ஜூலை மாதத்தில் தாக்கல் செய்யப்பட்ட மத்திய பட்ஜெட்டில் நிதியமைச்சர் நிர்மலா சீதாராமன் ELI திட்டத்தை அறிவித்தார். இதில் A, B மற்றும் C ஆகிய மூன்று விருப்பங்கள் உள்ளன. இதன் கீழ், நிதி சலுகைகளைப் பெற விரும்பும் ஊழியர்கள் தங்கள் UAN எண்ணை ஆக்டிவேட் செய்து வங்கிக் கணக்குடன் ஆதாரை இணைக்க வேண்டும். தகுதியுள்ள ஊழியர்கள் திட்டத்தின் பலன்களை எளிதாகப் பெற EPFO விதிமுறையில் இந்த செயல்முறை கட்டாயமாக்கப்பட்டுள்ளது.
ELI திட்டத்தின் நோக்கம்
ELI திட்டம் 2024 ஆம் ஆண்டு மத்திய பட்ஜெட்டில் நிதியமைச்சர் நிர்மலா சீதாராமன் அறிவித்தார். இதன் நோக்கம் வேலைவாய்ப்பை அதிகரிப்பதும், புதிய ஊழியர்களை வேலைக்கு அமர்த்த நிறுவனங்களை ஊக்குவிப்பதும் ஆகும். இந்தத் திட்டம் மூன்று பகுதிகளாகப் பிரிக்கப்பட்டுள்ளது. இதன் கீழ் நிறுவனம், ழியர் இருவருக்கும் ஊக்கத்தொகை, மானியம் கிடைக்கும்
திட்டம் A: புதிய பட்டதாரிகளை பணியமர்த்துவதில் நிறுவனங்கள் ₹ 15,000 மானியம் பெறும், இது மூன்று தவணைகளில் வழங்கப்படும்.
திட்டம் B: உற்பத்தித் துறைக்கு சிறப்புத் திட்டம் உள்ளது. இதில் நிறுவனங்கள் புதிய ஆட்சேர்ப்புகளில் இரண்டு ஆண்டுகளுக்கு ஒரு ஊழியருக்கு மாதத்திற்கு ₹3,000 கிடைக்கும்.
திட்டம் C: பல்வேறு தொழில்களில் பணியாளர்களை அதிகரிக்க பொதுவான சலுகைகள் வழங்கப்படும்.
UAN எண்ணை ஆக்டிவேட் செய்து இணைப்பது ஏன் அவசியம்?
அனைத்து உறுப்பினர்களின் UAN எண் ஆதாருடன் இணைக்கப்பட்டு ஆக்டிவேட் செய்யப்பட்டிருக்க வேண்டும் என்று EPFO கூறியுள்ளது. இது ஊழியர் PF பாஸ்புக்கைப் பார்க்கவும், ஆன்லைனில் கோரவும் மற்றும் அவரது தகவல்களைப் புதுப்பிக்கவும் அனுமதிக்கிறது. இது தவிர, எந்தவொரு அரசாங்கத் திட்டத்தின் பலனையும் நேரடியாக வங்கிக் கணக்கில் பெற ஆதார் இணைப்பு அவசியம்.
UAN எண்ணை ஆக்டிவேட் செய்யும் செயல்முறை
1. EPFO அமைப்பின் https://unifiedportal-mem.epfindia.gov.in/memberinterface/ என்ற போர்ட்டலைப் பார்வையிடவும்
2. ‘Activate UAN’ என்பதைக் கிளிக் செய்து, UAN எண், ஆதார் எண், பிறந்த தேதி மற்றும் ஆதாருடன் இணைக்கப்பட்ட மொபைல் எண்ணை உள்ளிடவும்.
3. OTP மூலம் சரிபார்த்து கடவுச்சொல்லை உருவாக்கவும்.
கடைசி தேதி மற்றும் சலுகைகள்
ELI திட்டத்தின் பலன்களைப் பெற, அனைத்து ஊழியர்களும் ஜனவரி 15, 2024 க்குள் இந்த செயல்முறையை முடிப்பதை முதலாளிகள் உறுதி செய்ய வேண்டும்.
வேலைவாய்ப்புடன் இணைக்கப்பட்ட ஊக்கத்தொகை (ELI) திட்டத்தின் கீழ் சலுகைகளைப் பெறுவதற்கு யுனிவர்சல் கணக்கு எண்ணை (UAN) ஆக்டிவேட் செய்வதற்கான காலக்கெடு முன்னதாக 2024 நவம்பர் 30ம் தேதியாக இருந்தது. பின்னர், கலக்கெடு டிசம்பர் 15, 2024 வரை நீட்டிக்கப்பட்டது, இப்போது மீண்டும் ஒரு மாதத்திற்கு நீட்டிக்கப்பட்டுள்ளது. EPFOவின் வேலைவாய்ப்பு இணைக்கப்பட்ட ஊக்கத்தொகை (ELI) திட்டத்தின் பலன்களைப் பெற இந்த செயல்முறை கட்டாயமாகும்.
மேலும் படிக்க | Pongal 2025: பொங்கலுக்கு இந்த 2 நாளும் விடுமுறை - அரசின் கடைசி நேர அப்டேட்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
