హైదరాబాద్: తెలంగాణలో నేడు మరో 2 కరోనావైరస్ పాజిటివ్ కేసులు వెలుగుచూశాయి. దీంతో ఇప్పటివరకు రాష్ట్రంలో వెలుగుచూసిన కరోనావైరస్ పాజిటివ్ కేసుల సంఖ్య మొత్తం 41కి చేరింది. నేడు గుర్తించిన కరోనా పాజిటివ్ కేసుల్లో మొదట హైదరాబాద్‌లోని ఓ మహిళలో కరోనా లక్షణాలు గుర్తించారు. ఇప్పటికే ఆమె కుటుంబసభ్యుల్లో ఒకరికి కరోనా సోకగా.. వారి నుంచి తాజాగా ఆమెకు కరోనావైరస్ వచ్చినట్టు కోవిడ్ పరీక్షల్లో తేలింది.
ఇక రెండో కరోనావైరస్ పాజిటివ్ కేసు విషయానికొస్తే.. ఇటీవలే సౌది అరేబియాకు వెళ్లొచ్చిన మూడేళ్ల బాబుకు సైతం కరోనా వైరస్ పాజిటివ్ అని తేలినట్టుగా అధికారులు గుర్తించారు. ఈ మేరకు తెలంగాణ సర్కార్ తాజా కేసుల వివరాలను వెల్లడించింది. జీ హిందుస్తాన్ తెలుగు టీవీ లైవ్ లింక్ కోసం ఇక్కడ క్లిక్ చేయండి. Watch Zee Hindustan Telugu live here..
