BSNL: జియో, ఎయిర్‌టెల్‌ కస్టమర్లను టెంప్ట్‌ చేస్తోన్న బీఎస్ఎన్‌ఎల్‌ నయా చీపెస్ట్‌ రీఛార్జీ ప్లాన్‌..
180889 చెన్నై: ఐపిఎల్ 2019 సీజన్ లో భాగంగా నేడు చెన్నైలోని ఎంఏ చిదంబరం స్టేడియంలో తొలి మ్యాచ్ ఆరంభమైంది. చెన్నై సూపర్ కింగ్స్, రాయల్ ఛాలెంజర్స్ బెంగుళూరు జట్ల మధ్య జరుగుతున్న ఈ మ్యాచ్ లో టాస్ గెలిచిన చెన్నై జట్టు బౌలింగ్ ఎంచుకుంది. దీంతో బెంగుళూరు జట్టు తరపున పార్థివ్ పటేల్‌తో కలిసి ఆ జట్టు కెప్టేన్ విరాట్ కోహ్లి ఇన్నింగ్స్ బ్యాటింగ్ ప్రారంభించాడు. దీపక్ చాహర్ తొలి ఓవర్ బంతి విసిరి ఐపిఎల్ కి ఆరంభం పలికాడు. రెండో ఓవర్ లో బౌలింగ్ చేసిన భజ్జీ హర్బజన్ సింగ్ 7 పరుగులు ఇచ్చి వెను తిరిగినప్పటికీ.. మూడో ఓవర్ లో మరోసారి బంతి పట్టుకున్న భజ్జీ వచ్చీ రావడంతోనే విరాట్ కోహ్లీ (6) వికెట్ తీసుకున్నాడు. ఆ తర్వాత ఎక్కువ గ్యాప్ తీసుకోకుండానే మొయిన్ అలీ (9), ఏబి డివిలియర్స్ (9) వికెట్స్ సైతం పడగొట్టి, చెన్నై సూపర్ కింగ్స్ జట్టుకు శుభారంభానిచ్చాడు.
ఆ తర్వాత క్రీజులోకి వచ్చిన షిమ్రోన్ సైతం డకౌట్ అయి వెనుతిరిగాడు. దీంతో తొలి మ్యాచ్‌లోనే కోహ్లి జట్టుకు వెంటవెంటనే కోలుకోలేని దెబ్బలు తగిలాయి. బ్యాటింగ్‌లో తడబడిన బెంగుళూరు జట్టు బౌలింగ్‌తోనైనా సమాధానం చెబుతుందో లేదో వేచిచూడాల్సిందే మరి.
ఆరంభంలోనే కోహ్లికి కోలుకోలేని షాక్ ఇచ్చిన హర్బజన్ సింగ్
