Chandrababu Revanth Reddy Meet: గురు శిష్యులు మరోసారి కలుసుకున్నారు. దావోస్ వేదికగా ప్రపంచ ఆర్థిక ఫోరం సదస్సుకు హాజరైన చంద్రబాబు, రేవంత్‌ రెడ్డి ఒక చోట కలిశారు. జ్యురిచ్‌ ఎయిర్‌పోర్టులో కలుసుకుని కొద్దిసేపు మాట్లాడుకున్నారు. ఈ ఫొటోలు నెట్టింట్లో వైరల్‌గా మారాయి.
దావోస్ వరల్డ్ ఎకనమిక్ ఫోరం సదస్సులో పాల్గొనడానికి వెళ్లిన చంద్రబాబు నాయుడు, రేవంత్‌ రెడ్డి సమావేశమయ్యారు. జ్యురిచ్‌ విమానాశ్రయంలో వీరిద్దరూ కలుసుకున్నారు.
జ్యూరిచ్ విమానాశ్రయంలో తెలుగు వారితో మాట్లాడిన అనంతరం చంద్రబాబు, రేవంత్‌ కలుసుకోవడం ప్రత్యేక ఆకర్షణగా నిలిచింది. వీరిద్దరూ పరస్పరం మర్యాద పూర్వకంగా కలుసుకున్నారు.
ఈ సమావేశంలో రెండు రాష్ట్రాల్లో జరుగుతున్న వివిధ అభివృద్ధి కార్యక్రమాలు, పెట్టుబడులకు సంబంధించిన అంశాలపై రేవంత్‌ రెడ్డి, చంద్రబాబు మధ్య చర్చ జరిగింది.
వీరి సమావేశంలో కేంద్ర మంత్రి రామ్మోహన్‌ నాయుడు, శ్రీధర్‌ బాబు, నారా లోకేశ్ ఇరు రాష్ట్రాల అధికారులు ఉన్నారు.
దావోస్ సదస్సు తొలి రోజున పలువురు పారిశ్రామికవేత్తలతో చంద్రబాబు, రేవంత్‌ రెడ్డి సమావేశమయ్యారు. తమ రాష్ట్రాల్లో పెట్టుబడులు పెట్టాలని పారిశ్రామికవేత్తలను విజ్ఞప్తి చేశారు.
