4th Phase Lok Sabha Polls 2024: సార్వత్రిక ఎన్నికల్లో భాగంగా నాల్గో విడత భాగంగా తెలంగాణలోని 17, ఏపీలో 25 సహా దేశ వ్యాప్తంగా 96 లోక్ సభ నియోజకవర్గాలుకు పోలింగ్ ప్రారంభమైంది.
ఈ సారి ఆంధప్రదేశ్ అసెంబ్లీ బరిలో పులివెందుల నుంచి వైయస్ఆర్సీపీ అధ్యక్షుడు వై.యస్.జ‌గ‌న్మోహ‌న్ రెడ్డి మ‌రోసారి పోటీ చేయ‌నున్నారు. ముఖ్య‌మంత్రిగా ఉంటూ ఎమ్మెల్యేగా పోటీ చేయ‌డం ఇదే ఫస్ట్‌టైమ్.
ఆంధ్ర ప్రదేశ్ ప్రతిపక్ష నేత టీడీపీ జాతీయ అధ్యక్షుడు చంద్రబాబు నాయుడు కుప్పం నుంచి 8వ సారి ఎమ్మెల్యేగా పోటీ చేస్తున్నారు.
జ‌న‌సేనాని పవన్ క‌ళ్యాణ్.. పిఠాపురం నుంచి పోటీ చేస్తున్నారు. ఈ సారి ఎలాగైనా అసెంబ్లీలో అడుగుపెట్టాల‌నే ప‌ట్టుద‌ల‌తో ఆంధ్ర ప్రదేశ్‌లో కూట‌మి ఏర్పాటులో కీ రోల్ పోషించారు.
ఆంధ్ర ప్రదేశ్ భారతీయ జనతా పార్టీ అధ్యక్షురాలు రాజమండ్రి లోక్‌సభ సీటు నుంచి ఎంపీగా పోటీ చేస్తున్నారు.
ఇక ఉమ్మ‌డి ఏపీ చివ‌రి ముఖ్య‌మంత్రి కిరణ్ కుమార్ రెడ్డి రాజంపేట ఎంపీ స్థానం నుంచి బీజేపీ త‌రుపున బరిలో ఉన్నారు.
హిందూపూర్ నుంచి మూడోసారి ఎమ్మెల్యేగా హాట్రిక్ సాధించాల‌నే ప‌ట్టుద‌ల‌తో ఉన్నారు నందమూరి బాలకృష్ణ.
ఏపీ పీసీసీ అధ్యక్షురాలు వై.యస్.జగన్ సోదరి వైయ‌స్ ష‌ర్మిలా ఎంపీగా కాంగ్రెస్ పార్టీ త‌రుపున క‌డ‌ప నుంచి పోటీ చేస్తున్నారు.
