Alla Nani Joining Tomorrow Into Telugu Desam Party అధికారం కోల్పోయిన అనంతరం వైఎస్సార్‌సీపీ అధినేత, మాజీ సీఎం వైఎస్‌ జగన్‌ మోహన్‌ రెడ్డికి తీవ్ర ఎదురుదెబ్బలు తగులుతున్నాయి. తన హయాంలో డిప్యూటీ సీఎంగా పని చేసిన సీనియర్‌ నాయకుడు ఆళ్ల నాని పార్టీని వీడిన విషయం తెలిసిందే. అయితే ఆయన టీడీపీలో చేరనుండడంతో ఒక్కసారిగా వైఎస్సార్‌సీపీలో కలకలం రేపింది.
ఎదురుదెబ్బ: మాజీ ముఖ్యమంత్రి వైఎస్‌ జగన్‌ మోహన్‌ రెడ్డికి మరో ఎదురుదెబ్బ తగలనున్నట్టు సమాచారం.
డిప్యూటీ సీఎంగా: తన హయాంలో ఉప ముఖ్యమంత్రిగా పని చేసిన సీనియర్‌ నాయకుడు ఆళ్ల నాని పార్టీని వీడనుండడం ఖాయంగా కనిపిస్తోంది.
చేరికకు సిద్ధం: తెలుగుదేశం పార్టీలో చేరేందుకు ఆళ్ల నాని పూర్తి ఏర్పాట్లు చేసుకున్నట్లు సమాచారం.
రేపే చేరిక: అన్ని కలిసి వస్తే బుధవారం సీఎం చంద్రబాబు సమక్షంలో టీడీపీ తీర్థం పుచ్చుకోనున్నారనే వార్త ఏపీ రాజకీయాల్లో కలకలం రేపుతోంది.
రాజీనామా: అధికారం కోల్పోయిన తర్వాత వైఎస్సార్‌సీపీకి రాజీనామా చేసిన ఆళ్ల నాని టీడీపీలో చేరనుండడంతో పశ్చిమ గోదావరి జిల్లాలో రాజకీయ సమీకరణాలు మారనున్నాయి.
పశ్చిమలో: పశ్చిమ గోదావరి జిల్లాలో వైఎస్సార్‌సీపీకి కీలక నాయకుడిగా ఉన్న ఆళ్ల నాని ఏలూరు ఎమ్మెల్యేగా మూడు సార్లు గెలిచారు.
అభ్యంతరం: తెలుగుదేశం పార్టీలో ఆళ్ల నాని చేరికను స్థానిక ఏలూరు టీడీపీ నాయకులు అభ్యంతరం వ్యక్తం చేస్తున్నారు.
బడేటి చంటి: 'ఆళ్ల నాని చేరికపై కార్యకర్తలు అసంతృప్తిగా ఉన్నారు. ఇదే విషయాన్ని అధిష్ఠానం దృష్టికి తీసుకెళ్తాం' అని ఏలూరు ఎమ్మెల్యే బడేటి చంటి చెబుతున్నారు.
