Pushpa Day 1 Collection: లెక్కల మాస్టార్ సుకుమార్ దర్శకత్వంలో అల్లు అర్జున్, రష్మిక హీరోహీరోయిన్లుగా నటించిన 'పుష్ప' చిత్రం శుక్రవారం థియేటర్లలో విడుదలైంది. భారీ అంచనాలతో విడుదలైన ఈ చిత్రానికి ప్రేక్షకుల నుంచి విశేషాదరణ లభిస్తోంది. హిట్ టాక్ తెచ్చుకున్న ఈ సినిమా ఇప్పుడు బాక్సాఫీసు వద్ద కలెక్షన్ల సునామీ సృష్టిస్తోంది.
సుకుమార్ దర్శకత్వం, బన్నీ నటన, సినిమాటోగ్రఫీతో పాటు దేవి శ్రీ ప్రసాద్ సంగీతం ఈ చిత్రానికి ప్లస్గా మారాయి. సమంత స్పెషల్ సాంగ్ కూడా థియేటర్లకు జనాల్ని రప్పించడంలో సఫలమైంది. దీంతో తొలిరోజే కలెక్షన్ల పరంగా దుమ్మురేపిందీ చిత్రం.
నిజాం ఏరియాలో ఏకంగా తొలిరోజే 11.44 కోట్ల షేర్తో ఆల్టైమ్ రికార్డు సృష్టించింది 'పుష్ప'. ఈ విషయాన్ని చిత్రబృందం సామాజిక మాధ్యమాల వేదికగా అధికారికంగా ప్రకటించింది. ఈ సినిమాపై అభిమానుల్లో భారీ అంచనాలు ఉండటం, ఐదో షోకు పర్మిషన్, టికెట్ రేట్ల పెంపు భారీ కలెక్షన్లకు సహాయపడ్డాయి.
Pushpa Raj pockets the Highest Day 1 share in Nizam with 11.44 Cr 💥💥
Pushpa... Pushpa Raj... Nee yavva records kottadamlo #ThaggedheLe 🤙#PushpaBoxOfficeSensation #PushpaTheRise @alluarjun @iamRashmika @aryasukku @ThisIsDSP @adityamusic @TSeries @MythriOfficial pic.twitter.com/Y8nvyeSkji
— Pushpa (@PushpaMovie) December 18, 2021
అలాగే తమిళనాడులో తొలిరోజు ఈ చిత్రానికి 3.75 కోట్ల గ్రాస్ లభించిందని తెలుస్తోంది. కేరళలో 2.5 కోట్ల గ్రాస్ కలెక్షన్లు వచ్చాయి. సరైన ప్రమోషన్లు లేకపోయినా ఓ డబ్బింగ్ సినిమాకు ఇంతటి కలెక్షన్లు రావడం అద్భుతమనే చెప్పవచ్చు.
అల్లు అర్జున్ 'పుష్ప'పై బాలీవుడ్లో మంచి హైప్ ఏర్పడింది. దానికి కారణం బన్నీ నుంచి వచ్చిన చాలా చిత్రాలు యూట్యూబ్లో దుమ్మురేపాయి. కానీ బన్నీ చిత్రాలు హిందీలో డబ్ కావడం ఇదే తొలిసారి. ప్రమోషన్స్ సరిగా లేకపోయినా, థియేటర్ల సీటింగ్ సామర్థ్యం 50 శాతమే ఉన్నా.. అక్కడ కూడా ప్రేక్షకుల్ని మెప్పించడంలో సఫలమయ్యారు సుక్కు-బన్నీ. దీంతో తొలిరోజే ఈ చిత్రానికి అక్కడ 3.1 కోట్ల వసూళ్లు రావడం విశేషం. శని, ఆదివారాల్లో ఈ కలెక్షన్లు మరింతగా పెరుగుతాయని బాలీవుడ్ వర్గాలు అంటున్నాయి.
Also Read: Radhe Shyam Pre Release : రాధేశ్యామ్‌ ప్రీరిలీజ్‌ వేడుక డేట్‌ ఫిక్స్.. ముఖ్య అతిథులు ఎవరో తెలుసా?
Also Read: Shyam Singha Roy Movie: శ్యామ్ సింగరాయ్ నుంచి మరో సర్ ప్రైజ్...నేటి సాయంత్రం 'ప్రణవాలయ' సాంగ్ రిలీజ్
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
