Covishield vaccine price: కోవ్యాగ్జిన్ , కోవిషీల్డ్ వ్యాక్సిిన్‌లకు అనుమతి లభించడంతో ఇండియాలో కరోనా వ్యాక్సినేషన్ మరో పదిరోజుల్లోనే ప్రారంభం కానుంది. వాణిజ్యపరమైన అనుమతి లభిస్తే మాత్రం ఒక్కో వ్యాక్సిన్ వేయి రూపాయలంటుందని స్వయంగా సీరమ్ ఇనిస్టిట్యూట్ ప్రకటించింది.
తొలి స్వదేశీ వ్యాక్సిన్ ( First indian vaccine ) భారత్ బయోటెక్ కంపెనీ ( Bharat Biotech company ) అభివృద్ధి చేసిన కోవ్యాగ్జిన్ ( Covaxin ), సీరమ్ ఇనిస్టిట్యూట్ ఉత్పత్తి చేసిన కోవిషీల్డ్ వ్యాక్సిన్‌లకు డీసీజీఐ ( DCGI ) అనుమతిచ్చేసింది. త్వరలో ఇండియాలో వ్యాక్సినేషన్ ప్రారంభం కానుంది. ఈ నేపధ్యంలో సీరమ్ ఇనిస్టిట్యూట్ సీఈవో అదార్ పూణావాలా కీలక ప్రకటన చేశారు.
కమర్షియల్ అనుమతి లభిస్తే మాత్రం ఒక్కో వ్యాక్సిన్‌ను వేయి రూపాయలకు అమ్మనున్నట్టు సీరమ్ ఇనిస్టిట్యూట్ కంపెనీ సీఈవో అదార్ పూణావాలా ప్రకటించారు. తొలి కోటిమందికి మాత్రం కేవలం 2 వందలకే అందించనున్నామన్నారు. తరువాత టెండర్లు వేసి..వేర్వేరు ధరలకు వ్యాక్సిన్ అందిస్తామన్నారు. కోవిడ్ చికిత్సకు బూస్టర్ డోసు అవసరమని..అంటే మొత్తం వ్యాక్సిన్ ధర 2 వేలవుతుందన్నారు. సీరమ్ ఇనిస్టిట్యూట్ ఉత్పత్తి చేస్తున్న కోవిషీల్డ్ ( Covishield )ను ఆక్స్ ఫర్డ్ - ఆస్ట్రాజెనెకా ( Oxford-Astrazeneca ) సంయుక్తంగా అభివృద్ధి చేశాయి. మరో పదిరోజుల్లో వ్యాక్సిన్ అందుబాటులో వస్తుందని..వచ్చే నెలలో దాదాపు 80 మిలియన్ల డోసుల్ని ఉత్పత్తి చేస్తామని అదార్ పూణావాలా స్పష్టం చేశారు.
Also read: Uttar Pradesh: 25కి చేరిన మృతుల సంఖ్య.. ముగ్గురి అరెస్ట్
