PC Ghosh Commission: రేవంత్ సర్కారు మేడిగడ్డ ప్రాజెక్ట్ తో పాటు పలు ప్రాజెక్ట్ లలో జరిగిన అక్రమాలపై పీసీ ఘోష్ కమిషన్ ను ఏర్పాటు చేసిన విషయం తెలిసిందే. తాజాగా, ఈ కమిషన్ ముందు.. సీనియర్ ఐఏఎస్ స్మిత సబర్వాల్, మాజీ సీఎస్ సోమేష్ కుమార్ హజరయ్యారు.
తెలంగాణ ముఖ్యమంత్రిగా సీఎం రేవంత్ రెడ్డి పగ్గాలు చేపట్టినప్పటి నుంచి ఒకవైపు డెవలప్ మెంట్ ఫలాలను ప్రజలకు అందేలే చూస్తున్నారు. మరోవైపు బీఆర్ఎస్ హయాంలో జరిగిన అక్రమాల వల్లే.. తెలంగాణ పదేళ్ల పాటు వెనక్కు వెళ్లిపోయిందని పలు సభల్లో ఎద్దేవా చేశారు.
అదే విధంగా గత సర్కారు తాగు నీటి ప్రాజెక్టులంటూ.. భారీగా అక్రమాలకుపాల్పడిందని కూడా రేవంత్ సర్కారు తీవ్రమైన ఆరోపణలు చేశారు. ఈ క్రమంలో ముఖ్యంగా.. మేడిగడ్డ, సుందిళ్ల, అన్నారం ప్రాజెక్టుల విషయంలో అనేక అక్రమాలు జరిగాయని కూడా కాంగ్రెస్ సర్కారు ఆరోపణలు చేసింది.
దీనిలో భాగంగా.. ఈరోజు పీసీ ఘోష్ కమిషన్ ముందు.. మాజీ సీఎస్ సోమేష్ కుమార్, సీనియర్ ఐఏఎస్ స్మిత సబర్వాల్ హజరయ్యారు. ఈ నేపథ్యంలో వీరిని కమిషన్.. మేడిగడ్డ, సుందిళ్ల, అన్నారం ప్రాజెక్టుల విషయంలో ప్రశ్నించినట్లు తెలుస్తొంది.
ముఖ్యంగా గత సర్కారు హయాంలో ఐఏఎస్ స్మిత సబర్వాల్ చాలా కీలకంగా వ్యవహరించారని, సీఎస్ గా సోమేష్ కుమార్ సైతం మేజర్ నిర్ణయాలు తీసుకున్నారని చెబుతుంటారు. అదే విధంగా ప్రస్తుతం దీనిపై పెనుదుమారం చెలరేగిన విషయం తెలిసిందే.
పీసీ ఘోష్ వీరిని.. గతంలో జీవోలు, ప్రాజెక్టుల విషయంలో ఏప్రశ్నలడిగిన కూడా.. తెలియదు.. గుర్తులేదు.. అవగాహాన లేదు.. మర్చిపోయామంటూ.. ఇలానే సమాధానాలు చెప్పారంట. దీంతో పీసీఘోష్ కమిషన్ వీరి ఆన్సర్ లతో విసిగిపోయినట్లు తెలుస్తొంది.
