Abc Juice Benefits: ఏబీసీ జ్యూస్ అనేది యాపిల్ (Apple), బీట్రూట్ (Beetroot), క్యారెట్ (Carrot) కలిపి తయారుచేసే ఒక రుచికరమైన, పోషకాలు కలిగిన పానీయం. ఈ పేరు మూడు పదార్థాల మొదటి అక్షరాల నుంచి వచ్చింది. ఈ జ్యూస్‌లో ఖనిజాలు, విటమిన్లు, యాంటీఆక్సిడెంట్లతో సమృద్ధిగా ఉంటాయి. కాబట్టి ప్రతి రోజు ఉదయాన్నే ఈ జ్యూస్‌ను తాగడం వల్ల శరీరానికి బోలెడు లాభాలు కలుగుతాయి. అంతేకాకుండా ఇందులో ఉండే గుణాలు దీర్ఘకాలిక వ్యాధుల నుంచి కూడా ఉపశమనం కలిగిస్తాయి. ఆధునిక జీవనశైలి కారణంగా వస్తున్న అనారోగ్య సమస్యలను దృష్టిలో పెట్టుకుని చాలా మంది ఎక్కువగా ఈ జ్యూస్‌ను తయారు చేసుకుని తాగుతున్నారు. ఈ జ్యూస్‌ను తాగడం వల్ల ఎలాంటి లాభాలు కలుగుతాయో తెలుసా?
ఏబీసీ జ్యూస్ తాగడం వల్ల కలిగే 6 అద్భుతమైన ప్రయోజనాలు:
1. రోగనిరోధక శక్తిని పెంచుతుంది:
ఏబీసీ జ్యూస్ యాపిల్, బీట్రూట్, క్యారెట్‌లతో తయారు తయారు చేస్తారు. కాబట్టి ఇందులో విటమిన్లు, ఖనిజాలు, యాంటీఆక్సిడెంట్లు సమృద్ధిగా ఉంటాయి. ఈ పోషకాలు రోగనిరోధక వ్యవస్థను బలోపేతం చేయడానికి, అంటువ్యాధులకు గురయ్యే ప్రమాదాన్ని తగ్గించడానికి సహాయపడతాయి. అంతేకాకుండా ఇతర అనారోగ్య సమస్యలు రాకుండా కూడా శరీరాన్ని కాపాడుతాయి.
2. జీర్ణక్రియను మెరుగుపరుస్తుంది:
బీట్‌రూట్‌లో ఫైబర్ పుష్కలంగా ఉంటుంది. ఇది జీర్ణక్రియను మెరుగుపరచడానికి, పొట్ట నొప్పి, మలబద్ధకం, గ్యాస్‌ వంటి సమస్యలను నివారించడానికి సహాయపడుతుంది. యాపిల్‌లోని పెక్టిన్ కూడా జీర్ణక్రియ ఆరోగ్యానికి మేలు చేస్తుంది. కాబట్టి ఈ జ్యూస్ తాగడం వల్ల జీర్ణక్రియ ఎంతో ఆరోగ్యంగా ఉంటుంది.
3. రక్తపోటును నియంత్రిస్తుంది:
ఏబీసీ జ్యూస్‌లోని పొటాషియం రక్తపోటును నియంత్రించడానికి సహాయపడుతుంది. బీట్‌రూట్‌లోని నైట్రేట్లు రక్తనాళాలను విడదీయడానికి, రక్త ప్రవాహాన్ని మెరుగుపరచడానికి కీలక పాత్ర పోషిస్తుంది. కాబట్టి ఇప్పటికే రక్తపోటు వంటి సమస్యలతో బాధపడేవారు ప్రతి రోజు తాగడం వల్ల మంచి ఫలితాలు పొందుతారు.
4. శక్తిని పెంచుతుంది:
ఈ జ్యూస్‌లోని సహజ చక్కెరలు శరీరానికి శక్తిని అందించడానికి ఎంతగానో సహాయపడుతుంది. దీంతో పాటు బీట్‌రూట్‌లోని ఐరన్ కూడా అలసటను తగ్గించడానికి కీలక పాత్ర పోషిస్తుంది. దీంతో పాటు శరీరంలోని శక్తి స్థాయిలను పెంచడానికి కూడా సహాయపడుతుంది.
5. చర్మాన్ని మెరుగుపరుస్తుంది:
ఏబీసీ జ్యూస్‌లోని యాంటీఆక్సిడెంట్లు చర్మాన్ని దెబ్బతీసే ఫ్రీ రాడికల్స్‌తో పోరాడటానికి సహాయపడతాయి. ఇది ముడతలు, మచ్చలు, ఇతర వృద్ధాప్య సంకేతాలను నివారించడానికి కీలక పాత్ర పోషిస్తుందని ఆరోగ్య నిపుణులు తెలుపుతున్నారు. అంతేకాకుండా ఇందులో ఉండే విటమిన్ సి కూడా చర్మ ఆరోగ్యాన్ని అందిస్తుంది. దీంతో పాటు కొల్లాజెన్ ఉత్పత్తిని పెంచుతుంది. ఇది చర్మాన్ని స్థితిస్థాపకంగా, యవ్వనంగా ఉంచుతుంది.
Also Read 2024 Bajaj Pulsar N250: మార్కెట్‌లోకి కొత్త పల్సర్ N250 వచ్చేసింది.. ఫీచర్స్‌, స్పెషిఫికేషన్స్‌ ఇవే!
6. బరువు తగ్గడానికి సహాయపడుతుంది:
ఏబీసీ జ్యూస్‌లో తక్కువ కేలరీలు, ఎక్కువ ఫైబర్ ఉంటుంది. కాబట్టి ప్రతి రోజు ఉదయం పూట తాగడం వల్ల పొట్టను నిండి ఉంచుతుంది. దీని కారణంగా ఆకలి కూడా నియంత్రణ ఉంటుంది. అంతేకాకుండా సులభంగా బరువు కూడా తగ్గుతారు. కాబట్టి సులభంగా బరువు తగ్గాలనుకునేవారు తప్పకుండా ఈ ఏబీసీ జ్యూస్ తీసుకోవడం చాలా మంచిది.
Also Read 2024 Bajaj Pulsar N250: మార్కెట్‌లోకి కొత్త పల్సర్ N250 వచ్చేసింది.. ఫీచర్స్‌, స్పెషిఫికేషన్స్‌ ఇవే!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
