ప్రయాణిస్తున్న కారుకి అకస్మాత్తుగా మంటలు అంటుకుని, అందులో ప్రయాణిస్తున్న వ్యక్తి ఆ మంటల్లోనే కాలి బూడిదైన దుర్ఘటన ఢిల్లీలోని అంబేద్కర్ నగర్‌కి సమీపంలో శుక్రవారం అర్ధరాత్రి దాటాకా(శనివారం తెల్లవారుజామున) 1:50 గంటల సమయంలో చోటుచేసుకుంది. అంబేద్కర్ నగర్‌కి సమీపంలో రోడ్డుపై ఓ కారుకి నిప్పంటుకున్నట్టుగా గుర్తు తెలియని వ్యక్తి ఫోన్ చేసి చెప్పినట్టు ఢిల్లీ అగ్నిమాపక శాఖ సిబ్బంది తెలిపారు. తాము అక్కడికి చేరుకునేలోపే వాహనం కాలిబూడిదైందని అగ్నిమాపక శాఖ సిబ్బంది స్పష్టంచేశారు. అంకిత చక్రవర్తి అనే ట్విటర్ యూజర్ ట్విటర్ ఈ దుర్ఘటనకు సంబంధించిన లైవ్ వీడియోను ట్విటర్‌లో పోస్ట్ చేశారు.
Saw this horrific sight yesterday near Ambedkar Nagar. Driver died inside the car @ZeeNews pic.twitter.com/Cm5buXYgI9
— Ankita Chakravarti (@ankitaChak15) August 11, 2018
ఈ ఘటనపై కేసు నమోదు చేసుకున్న పోలీసులు దర్యాప్తు చేపట్టారు. వాహనంలో కాలిబూడిదైన వ్యక్తి పేపర్లు తీసుకెళ్తున్నట్టు అధికారులు గుర్తించారు. బహుషా కారు వేగంగా ప్రయాణిస్తున్న సమయంలో మరో వాహనాన్ని ఢీకొట్టి ఉండవచ్చని, అదే ఈ అగ్ని ప్రమాదానికి కారణమై ఉండొచ్చని పోలీసులు అనుమానిస్తున్నారు.
