హోషంగాబాద్: మధ్యప్రదేశ్‌లోని హోషంగాబాద్ జిల్లాలో సోమవారం ఉదయం ఘోర రోడ్డు ప్రమాదం చోటుచేసుకుంది. ఈ ప్రమాదంలో నలుగురు జాతీయ స్థాయి హాకీ క్రీడాకారులు దుర్మరణంపాలవగా మరో ముగ్గురు తీవ్రంగా గాయపడ్డారు. గాయపడిన వారిని చికిత్స నిమిత్తం ప్రభుత్వ ఆసుపత్రికి తరలించారు. ధ్యాన్‌చంద్ హాకీ టోర్నమెంట్‌లో ఆడేందుకు మధ్యప్రదేశ్‌లోని ఇటార్సి నుంచి హోషంగాబాద్‌కు కారులో వెళ్తుండగా 69వ జాతీయ రహదారిపై రైసల్‌పూర్ గ్రామం వద్ద ఈ రోడ్డు ప్రమాదం చోటుచేసుకుంది.
కారు ఒక్కసారిగా అదుపుతప్పి చెట్టును ఢీకొనడం వల్లే ఈ ప్రమాదం జరిగినట్టు తెలుస్తోంది.
