న్యూఢిల్లీ: తాగిన మత్తులో డ్రైవింగ్ చేయడం ఓ నేరమైతే, అందులోనూ రోడ్డుకు అడ్డంగా రాంగ్ రూట్‌లో కారును పోనిచ్చాడు ఓ డ్రైవర్. కారు రాంగ్ రూట్ లో రావడం గమనించిన ఓ ట్రాఫిక్ పోలీసు తనని ఆపబోతే... ఆ ట్రాఫిక్ పోలీసును కారుతో ఢీ కొట్టడమేకాకుండా.. ఏకంగా ఆ ట్రాఫిక్ పోలీసును తన కారుతో దాదాపు 100 మీటర్ల వరకు ఈడ్చుకెళ్లాడు. అదృష్టవశాత్తుగా ఆ సమయంలో కారు బ్యానెట్‌ పట్టుకుని వేలాడటంతో ట్రాఫిక్ పోలీసుకు పెను ప్రమాదం తప్పింది. లేదంటే కారు అతడిపై నుంచి వెళ్లిపోయేదే. బుధవారం గురుగ్రామ్‌లోని మిలినియం సిటీ సిగ్నేచర్ టవర్ చౌరస్తాకి సమీపంలోని సెక్టార్ 29లో చోటుచేసుకున్న ఈ ఘటన ప్రత్యక్షసాక్షులను షాక్‌కి గురిచేసింది. ఢిల్లీకి చెందిన కారు డ్రైవర్‌ని అదుపులోకి తీసుకున్న పోలీసులు అతడిపై కేసు నమోదు చేసి రిమాండ్ కి తరలించారు.
#WATCH: Man stopped by traffic police for driving on the wrong side near Signature Tower Chowk in Gurugram, dragged traffic personnel on the bonnet of his car when the personnel tried to stop him. He was later arrested & the car was also seized. #Haryana (19.12.18) pic.twitter.com/BbyN79ysIW
— ANI (@ANI) December 20, 2018
