Sai Durga Tej: డిప్యూటీ సీఎంతో సాయి దుర్గా తేజ్‌ సంబరాలు.. భావోద్వేగంలో మామ అల్లుడు
180879 ప్రస్తుతం ప్రభాస్ నటిస్తున్న చిత్రం 'సాహో'. ఈ చిత్రం తర్వాత ప్రభాస్ కొత్త మూవీ చేస్తారని గత కొద్దిరోజులుగా వినిపిస్తోంది. అయితే తాజా సమాచారం ప్రకారం.. ప్రభాస్ ‘సాహో’ చిత్రం తర్వాత ‘జిల్‌’ ఫేమ్‌ రాధాకృష్ణ దర్శకత్వంలో హీరోగా నటించనున్నట్లు.. సెప్టెంబర్ 6న సినిమా షూటింగ్ లాంఛనంగా ప్రారంభం కానున్నట్లు ఫిల్మ్ నగర్‌లో టాక్. యూవీ క్రియేషన్స్ నిర్మిస్తున్న ఈ చిత్రంలో ప్రభాస్ సరసన పూజాహెగ్డే హీరోయిన్‌గా నటిస్తారు.
పూర్తి స్థాయి ప్రేమ కథాంశంతో వస్తున్న ఈ చిత్రాన్ని తెలుగు-హిందీ భాషల్లో ఏకకాలంలో తెరకెక్కించనున్నట్లు సమాచారం. ఈ సినిమాకు సంబంధించిన ప్రధాన సన్నివేశాలను యూరప్‌లో షూట్ చేసేలా చిత్రబృందం ప్లాన్‌ చేసింది. ఇందుకోసం ఆగస్టులో లొకేషన్‌ సెర్చింగ్‌ను కంప్లీట్ చేసిందట టీమ్‌.
ప్రస్తుతం ‘సాహో’ సినిమాతో ప్రభాస్ బిజీగా ఉన్నారు. సుమారు 300 కోట్లతో సుజీత్‌ తెరకెక్కిస్తున్న ఈ సినిమా ప్రస్తుతం హైదరాబాద్‌లో షూటింగ్ జరుపుకొంటోంది. ముంబై, దుబాయ్, అబుదాబి, రోమానియా, యూరప్‌లలో షూటింగ్ జరుపుకుంది. ఈ సినిమాలో ప్రభాస్ సరసన బాలీవుడ్ నటి శ్రద్ధా కపూర్ నటిస్తుండగా.. జాకీ ష్రాఫ్, కాజల్ అగర్వాల్, లాల్, అరుణ్ విజయ్ తదితరులు ప్రధాన పాత్రల్లో నటిస్తున్నారు. తెలుగు, తమిళం, హిందీ భాషల్లో రూపొందుతున్న ఈ చిత్రం వచ్చే ఏడాది విడుదల కానుంది.
ప్రభాస్ నెక్స్ట్ మూవీ డైరెక్టర్ అతనే!
