మెగా ఫ్యామిలీ మరో స్థార్ ను పరిచయం చేస్తోంది. చిరంజీవి చిన్న మేనల్లుడు కల్యాణ్ దేవ్ ను హీరోగా పరిచయం చేస్తున్నారు. ఆయన నటిస్తున్న తొలి చిత్రానికి విజేత అనే టైటిల్ ఖరారు చేశారు. 1985లో చిరంజీవి న‌టించిన బ్లాక్ బాస్టర్ సినిమా టైటిల్ ఇది. ఇప్పుడు అల్లుడు కూడా ఇదే టైటిల్ తో ఇండ‌స్ట్రీకి వ‌స్తున్నాడు. లైటింగ్ అఫ్ స్మైల్స్ ఆన్ అద‌ర్స్ ఫేసెస్ ఈజ్ ఆల్సో ఎ స‌క్సెస్ అనేది ట్యాగ్ లైన్. అంటే ఇత‌రుల మొహాల్లో వెలుగు చూడ‌టం కూడా విజ‌య‌మే అని అర్థం. అందుకే క‌థ‌కు త‌గ్గ‌ట్లుగా ఈ చిత్రానికి విజేత అనే టైటిల్ పెట్టారు.
సాయి కొర్రపాటి వారాహి సంస్థలో ర‌జనీ కొర్రపాటి నిర్మాత‌గా విజేత వ‌స్తుంది. రాకేశ్ శశి ఈ చిత్రానికి దర్శకుడు. మాళ‌విక న‌య్య‌ర్ హీరోయిన్ గా నటిస్తున్న ఈ చిత్రానికి హర్షవర్ధన్ రామేశ్వర్ సంగీతం అందిస్తున్నాడు. షూటింగ్ చివ‌రి ద‌శ‌లో ఉంది. ఈ మ‌ధ్యే డ‌బ్బింగ్ కూడా మొద‌లు పెట్టారు హీరో క‌ళ్యాణ్ దేవ్. బాహుబ‌లి ఫేమ్ సెంథిల్ కుమార్ ఈ చిత్రానికి సినిమాటోగ్రఫీ అందిస్తున్నాడు.
క‌థ, స్క్రీన్ ప్లే, దర్శకుడు: రాకేశ్ శశి
నిర్మాత: ర‌జినీ కొర్రపాటి (సాయి కొర్రపాటి ప్రొడక్షన్)
స‌మ‌ర్ప‌ణ: సాయి శివాణి
సినిమాటోగ్రఫి: కేకే సెంథిల్ కుమార్
సంగీతం: హర్షవర్ధన్ రామేశ్వర్
ఎడిటింగ్: కార్తిక శ్రీ‌నివాస్
లిరిక్స్: రెహ‌మాన్, రామ‌జోగ‌య్యశాస్త్రి
ఆర్ట్ డైరెక్టర్: రామ‌కృష్ణ
