RRR movie Update: ప్రస్తుతం తెలుగుతో పాటు.. దేశవ్యాప్తంగా దాదాపు అన్ని భాషల్లో ఆసక్తిగా ఎంతో ఎదురు చూస్తున్న మూవీ 'ఆర్ఆర్ఆర్'. ఈ సినిమా మార్చి 25న ప్రేక్షకుల ముందుకు రానుంది. విడుదలకు ముందే మూవీ రికార్డులు సృష్టిస్తూ దూసుకుపోతోంది. నిజానికి ఈ ఏడాది ఆరంభంలోనే ఈ సినిమా విడుదలవ్వాల్సి ఉంది. కరోనా థార్డ్ వేవ్ కారణంగా వాయిదా పడి.. ఎట్టకేలకు ఇప్పుడు విడుదలకు సిద్ధమైంది.
ఇదిలా ఉండగా.. ఇదివరకే విడుదలైన సినిమా సాంగ్స్ ప్రస్తుతం ట్రెండవుతున్నాయి. ఇందులో ముఖ్యంగా చెప్పుకోవాల్సింది 'నాట్ నాటు' సాంగ్ గురించి. తారక్, చెర్రీలు తమ స్టెప్పులతో అదరొట్టిన ఈ సాగ్ మరో మైలురాయిని దాటింది. తాజాగా ఈ పాట యూట్యూబ్లో 100 మిలియన్ (10 కోట్లు) వ్యూస్ దాటేసింది. ఈ పాట 2021 నవంబర్లో యూట్యూబ్లో విడుదలవగా.. ఇప్పటి వరకు మొత్తం 100,660,286 వ్యూస్ వచ్చాయి. 13 లక్షల మందికి పైగా లైక్ కొట్టారు.
ఎన్టీఆర్, రామ్ చరణ్లు హీరోలుగా నటించిన ఈ మూవీపై ప్రేక్షకులతో పాటు అటు సినీ వర్గాల్లోనూ భారీ అంచనాలు ఉన్నాయి. మరోవైపు దర్శక ధీరుడు రాజమౌలి బాహుబలి తర్వాత తీస్తున్న సినిమా కావడంతో ఈ సినిమాపై అంతర్జాతీయ స్థాయిలో ప్రమోషన్స్ జరుగుతున్నాయి. ఇటీవలే దుబాయ్లో కూడా ప్రమోషన్స్ జరుపుకుంది. నేడు (శనివారం) బెంగళూలో ఆర్ఆర్ఆర్ ప్రమోషన్స్ జరగుతున్నాయి.
ఆర్ఆర్ఆర్ గురించి..
ఈ సినిమాలో రామ్ చరణ్ అల్లూరి సీతారామరాజుగా నటించారు. ఎన్టీఆర్ కొమురం భీమ్గా కనిపించనున్నారు. రామ్ చరణ్కు జోడీగా బాలీవుడ్ బ్యూటీ ఆలియా భట్ నటించింది. ఒలివియా మోరిస్ మరో హీరోయిన్.
శ్రీయా వంటి, సముద్రకని సహా పలువురు ఈ సినిమాలో నటించారు. బాలీవుడ్ సీనియర్ హీరో అజయ్ దేవ్గన్ కూడా ఓ ప్రత్యేక పాత్రలో కనిపించనున్నారు. ఈ సినిమాకు ఎం ఎం కీరవాణి సంగీతమందించారు. స్టోరీ కె.వి.విజయేంద్ర ప్రసాద్. డీవీవీ ఎంటర్టైన్మెంట్స్ పతాకంపై.. డీవీవీ దానయ్య ఈ సినిమాను నిర్మించారు.
Also read: RRR Movie Tickets: గ్యాస్ సిలిండర్ తీసుకుంటే.. ఉచితంగా ఆర్ఆర్ఆర్ మూవీ టిక్కెట్లు! ఎక్కడో తెలుసా?!!
Also read: Alia Bhatt Photos: గెటప్ మార్చేసిన 'గంగూబాయ్'.. చీరకట్టు నుంచి వెస్ట్రన్ డ్రస్సు వరకు!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
