Canada Jr Ntr Fans Celebration Video For RRR: రిలీజ్ కు ముందే 'ఆర్ఆర్ఆర్' (RRR) సందడి మెుదలైంది. వరల్డ్ వైడ్ గా ఎక్కడ చూసిన ఈ సినిమా హంగామానే కనిపిస్తోంది. జక్కన్న రాజమౌళి ఎంతో ప్రతిష్ఠాత్మకంగా తెరెకెక్కించిన ఈ సినిమా విడుదల తేదీ దగ్గరపడుతున్న కొద్దీ...అందరిలోనూ ఆసక్తి పెరిగిపోతుంది. కొంతమంది అభిమానులైతే డిఫరెంట్ స్టైల్లో విషెస్ చెబుతున్నారు. తాజాగా కెనడాలోని ఎన్టీఆర్ ఫ్యాన్స్ (NTR Fans), ప్రవాసభారతీయులు కలిసి ఈ సినిమాకు సంబంధించి ఓ స్పెషల్ వీడియోను రూపొందించి సోషల్ మీడియాలో (Social Media) పోస్ట్ చేశారు. అది కాస్తా వైరల్ గా మారింది.
ఈ వీడియోలో వీరంతా కార్లతో ర్యాలీగా బయలుదేరి వెళ్లి.. RRR ఆకృతిలో వాటిని అమర్చారు. దానికి బ్యాక్గ్రౌండ్ మ్యూజిక్కు యాడ్ చేసి...'తొక్కుకుంటూపోవాలే' అని క్యాప్షన్ జోడించారు. ఈ సినిమా విజయం సాధించాలని ఆర్ఆర్ఆర్ టీంకు ఆల్ ది బెస్ట్ చెప్పారు. ఈ వీడియోకు ఫిదా అయిన 'ఆర్ఆర్ఆర్' మేకర్స్ వారికి కృతజ్ఞతలు తెలుపుతూ ఆ వీడియోను సోషల్ మీడియాలో ట్వీట్ చేసింది. ప్రస్తుతం నెట్టింట వైరల్ గా మారింది. ఈ వీడియోపై నెటిజన్స్, ఫ్యాన్స్ తమదైన శైలిలో లైక్స్, కామెంట్స్ చేస్తున్నారు.
#RRRMassBegins … 🔥🌊🤞🏻
Canada fans, thanks for your love and unmatchable efforts to make this !! ❤️ #RRRMovie
— RRR Movie (@RRRMovie) March 12, 2022
అల్లూరి సీతారామరాజు పాత్రలో రామ్ చరణ్ (Ram Charan), కొమురం భీమ్ గా ఎన్టీఆర్ (jr, NTR) నటించారు. దర్శకధీరుడు రాజమౌళి తెరకెక్కించిన ఈ చిత్రాన్ని డీవీవీ దానయ్య నిర్మించారు. ఈ సినిమాకు దాదాపుగా రూ.450 కోట్ల బడ్జెట్ (RRR Movie Budget) ఖర్చు చేసినట్లు తెలుస్తోంది. ఈ సినిమాలో చరణ్, ఎన్టీఆర్ ల సరసన అలియా భట్, ఒలివియా మోరిస్ నటించారు. వీరితో పాటు అజయ్ దేవ్గణ్, సముద్రఖని, శ్రియ తదితరులు కీలకపాత్రల్లో నటించారు. కీరవాణి సంగీతమందించారు. ఈ చిత్రం మార్చి 25న ప్రేక్షకుల ముందుకు రానుంది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
Twitter , Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
