Ram Charan looking at Ravi Teja for Driving licence Telugu remake: రామ్ చరణ్ డ్రైవింగ్ లైసెన్స్ తెలుగు రీమేక్ విషయంలో తన ప్లాన్ మార్చుకున్నట్టు తెలుస్తోంది. ఖైదీ నెంబర్ 150 సినిమాతో నిర్మాతగా మారిన రామ్ చరణ్ ఆ తర్వాత సైరా నర్సింహా రెడ్డి, ఆచార్య వంటి చిత్రాలకు నిర్మాతగా వ్యవహరించాడు. మూడు చిత్రాలు తన తండ్రి మెగాస్టార్ చిరంజీవితోనే చేసిన రామ్ చరణ్.. మొదటిసారిగా ఫర్ ఏ చేంజ్ ఇటీవలే డ్రైవింగ్ లైసెన్స్ అనే ఓ మళయాళం సినిమాకు సంబంధించిన తెలుగు రీమేక్ రైట్స్ (Driving licence Telugu remake rights) కొనుగోలు చేశాడు.
డ్రైవింగ్ లైసెన్స్ ఒరిజినల్ మూవీలో (Driving licence malayalam movie) పృథ్వీరాజ్ సుకుమారన్, సూరజ్ వెంజరమూడు ప్రధాన పాత్రల్లో నటించారు. ఈ సినిమాను తెలుగులో రీమేక్ చేద్దామని అనుకున్న రామ్ చరణ్.. మళయాళంలో పృథ్వీరాజ్ పోషించిన పాత్రకు తన బాబాయి పవన్ కల్యాణ్ అయితే బాగుంటుందని మొదట భావించినట్టు ఫిలింనగర్ టాక్.
ఆ తర్వాత ఏం జరిగిందో ఏమో కానీ.. పవన్ కల్యాణ్ (Pawan Kalyan) అయితే బాగుంటుంది అని అనుకున్న పాత్ర స్థానంలో రవితేజను తీసుకోవాలని డిసైడ్ అయినట్టు లేటెస్ట్ టాక్. ఆ పాత్ర కోసం మెగా హీరోలు ఎవ్వరూ సూట్ కారని భావించిన రామ్ చరణ్.. స్టార్ ఇమేజ్ ఉన్న మరో హీరోకే ఆ రోల్ ఆఫర్ చేయాలనుకున్నాడట. అలా ఆ పాత్ర చివరకు రవితేజ చేతికి చిక్కినట్టు సమాచారం.
మెగాస్టార్ చిరంజీవికి వీరాభిమాని అయిన రవితేజ (Ravi Teja).. అన్నయ్య సొంత ప్రొడక్షన్ హౌజ్ తెరకెక్కించే సినిమాలో నటించే అవకాశం వస్తే నో చెబుతాడా ? పైగా డ్రైవింగ్ లైసెన్స్ మూవీ నేపథ్యం కూడా మంచి కామెడీ డ్రామాతో తెరకెక్కిన సినిమా. అందుకే ఆ పాత్రకు మాస్ మహారాజ రవితేజ అయితేనే సూట్ అవుతాడని రామ్ చరణ్ (Ram Charan) కూడా భావించి ఉండొచ్చు.
