Rajiniakanth - Lal Salaam OTT News: సూపర్ స్టార్ నటుడి కెరీర్ ప్రారంభించి దాదాపు 50 యేళ్లు పూర్తి కావొచ్చింది. ఇన్నేళ్ల తలైవా కెరీర్‌లో ఎన్నో బ్లాక్ బస్టర్స్, మరోన్నో సూపర్ హిట్స్.. కొన్ని ఫ్లాప్స్ కూడా ఉన్నాయి. కానీ లాల్ సలాం మూవీ రజినీకాంత్ ఇమేజ్ పైనే నీలి నీడలు కమ్ముకునేలా చేసింది. ఈ సినిమాకు రజినీకాంత్ ఇమేజ్ వల్ల పెద్దగా ఒరిగిందేమి లేదు. పైగా ప్రమోషన్స్ లేకపోవడంతో ఆడియన్స్ కూడా ఈ సినిమా విడుదలయ్యేందనే విషయాన్ని మరిచిపోయారు. రజినీకాంత్ సినిమా అంటే తమిళంతో పాటు తెలుగులో అంతే క్రేజ్ ఉండేది. ఒకప్పుడు రజినీ చిత్రం వస్తుందంటే తెలుగు హీరోలు సైతం సైలెంట్‌గా సైడ్ ఇచ్చేవారు. అంతలా తెలుగులో ఈయన మ్యానియా చాలా యేళ్లు పాటు కొనసాగింది. ఆ తర్వాత తెలుగులో రాను రాను సూపర్ స్టార్ మార్కెట్ పడిపోతూ వచ్చింది. గతేడాది 'జైలర్' మూవీ తెలుగులో మంచి వసూళ్లను రాబట్టింది. కానీ ఆ తర్వాత రజినీకాంత్ నుంచి వచ్చిన 'లాల్ సలాం' మూవీ ఆ ఇంపాక్ట్ కనీసం చూపించలేకపోయింది.
తమిళంలో ఈ సినిమా చూడటానికి ఆయన అభిమానులు కూడా పెద్దగా ఇంట్రెస్ట్ చూపెట్టలేదు. దీంతో తమిళనాడులో చాలా చోట్ల ప్రీమియర్స్ కాకుండా.. డైరెక్ట్ మార్నింగ్ షోలతో ఈ సినిమాను విడుదలైంది. తీరా ఈ సినిమా ప్రపంచ వ్యాప్తంగా రూ. 10 కోట్ల షేర్(రూ. 20 కోట్ల గ్రాస్) మాత్రమే రాబట్టి రజినీకాంత్‌కు ఘోర అవమానాన్ని మిగిల్చింది. ఈ సినిమాలో రజినీకాంత్ స్పెషల్ కెమియో రోల అని చెప్పారు. కానీ ఈ సినిమా మొత్తం ఆయన పాత్రే చుట్టునే తిరుగుతోంది. ఈ సినిమాకు ఆయనే ప్లస్. ఆయన మైనస్ గా మారారు. తండ్రి వంటి సూపర్ స్టార్‌ను పెట్టుకొని కూడా రొటిన్ కథతో ఈ సినిమాను తెరకెక్కించడం ఈ సినిమాకు కోలుకోలేని దెబ్బ తీసింది. తెలుగు సహా తమిళంలో ఈ సినిమా బజ్ లేకపోవడంతో ఏపీ, తెలంగాణలో ఈ సినిమా రూ. 50 లక్షల షేర్ కూడా రాబట్టలేక చేతులేత్తేసింది. తెలంగాణలో రూ. 10 లక్షల షేర్ కూడా రాబట్టలేక చేతులేత్తేసింది.ఈ సినిమా ఓటీటీ రిలీజ్ డేట్ ఫిక్స్ చేసుకుంది. ఈ సినిమా ఈ నెల 9వ తేదిన నెట్‌ఫ్లిక్స్‌లో 5 భాషల్లో స్ట్రీమింగ్ కానుంది. దీనిపై అధికారిక సమాచారం రావాల్సి ఉంది.
రజినీకాంత్ లాల్ సలాం మూవీ విషయానికొస్తే.. ఈ సినిమా తలైవా కెరీర్‌లో మాయని మచ్చగా మిగిలిపోయింది. అసలు ఇలాంటి ఓ రోజు వస్తుందని బహుశా రజినీకాంత్ ఫ్యాన్స్‌తో పాటు ఆయన కూడా అసలు ఊహించి ఉండరు. ఏదైతే చూడకూడదని ఆయన అభిమానులు ఆశించారో అదే జరిగింది. మొత్తంగా అయ్యో ఫాఫం అనేలా తయారైంది రజినీకాంత్ పరిస్థితి. అది కూడా 'జైలర్' వంటి సూపర్ బ్లాక్ బస్టర్ తర్వాత రజినీ నుంచి వచ్చిన సినిమా 'లాల్ సలాం'. ఈ సినిమాలో తలైవాను యాక్ట్ చేయమని తన కూతురు ఐశ్వర్య అడగడం..లేక లేక తన కూతురు ఎన్నో ఏళ్ల తర్వాత మెగాఫోన్ పట్టుకోవడం వంటి కొన్ని మొహమాటాల కొద్ది ఈ సినిమాను తలైవా ఈ సినిమా చేసి ఫలితం అనుభస్తున్నాడు. ఈ సినిమాలో సూపర్ స్టార్ రాకతో ఈ మూవీ లెవల్ కూడా పెరిగింది. తీరా రిలీజ్ సమయం వచ్చే వరకు ఈ మూవీపై ఎలాంటి హోప్స్ లేవు.
ఇక రజినీకాంత్ తన కెరీర్‌లో ఎన్నో డిజాస్టర్స్ సినిమాల్లో నటించినా.. మినిమం కలెక్షన్స్ వచ్చేవి. కానీ 'లాల్ సలాం' పరిస్థితి వేరు. ఇక తలైవా కూతురు ఐశ్వర్య మూడు సినిమాలను డైరెక్ట్ చేస్తే అన్ని సినిమాలు ఫ్లాప్స్‌గా మిగిలాయి. ఇప్పటికీ రజినీకాంత్ పాత బ్లాక్ బస్టర్స్ సినిమాలు రీ రీలిజ్ చేస్తే కూడా మంచి వసూళ్లు వస్తాయి. అటువంటిది లాల్ సలాం సినిమా రజినీకాంత్ 50 యేళ్ల కెరీర్‌లో డిజాస్టర్ అనే కంటే దానికి పది రెట్లు ఎక్కువే. మరి త్వరలో చేయబోయే లోకేష్ కనగరాజ్ సినిమాతో సూపర్ స్టార్ మరోసారి తన సత్తా చూపెడతారా లేదా అనేది చూడాలి. ప్రస్తుతం జ్ఞానవేల్ రాజా, లోకేష్ కనగరాజ్ మూవీలతో పాటు సాజిద్ నడియావాలాతో రజినీకాంత్ వరుసగా సినిమాలున్నాయి.
Also read: Tax Free Incomes: ఈ 5 రకాల ఆదాయాలపై ట్యాక్స్ ఉండదని మీకు తెలుసా
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
