Radhe Shyam Trailer: పాన్ ఇండియా స్టార్ ప్రభాస్ ఫ్యాన్స్కు గుడ్ న్యూస్. రాధే శ్యామ్ మూవీ టీం నుంచి మరో బిగ్ అప్డేట్ వచ్చింది. సినిమా ట్రైలర్ రిలీజ్డేట్ను ప్రకటించింది చిత్ర యూనిట్. మార్చి 2 నుంచి సినిమా ట్రైలర్ విడుదల చేయనున్నట్లు చిత్ర నిర్మాణ సంస్థ యూవీ క్రియేషన్స్ అధికారిక ప్రకటన చేసింది.
నిజానికి ఇది వరకే ఓ సారి ట్రైలర్ విడుదల చేసింది చిత్ర యూనిట్. అయితే సినిమా విడుదల వాయిదా పడటంతో మరో ట్రైలర్ను బుధవారం విడుదల చేయనుంది.
రాధేశ్యామ్ గురించి..
ఈ సినిమాలో ప్రభాస్ విక్రమాదిత్య పేరుతో.. హస్తసాముద్రికుడిగా కనిపించనున్నారు. పూజా హెగ్డే ప్రేరణగా కనిపించనున్నారు. 1970-80ల కాలం నాటి లవ్ స్టోరీగా తెరకెక్కింది. ప్రేమ, విధి మధ్య పోరాటంగా ఈ సినిమా ఉండనుంది.
ఇప్పటికే విడుదలైన వీడియో సాంగ్స్, గ్లిమ్స్, టీజర్లలో ప్రభాస్, పూజాల జోడీ చూసి ఫ్యాన్స్ తెగ ఎంజాయ్ చేస్తున్నారు. లవ్ స్టోరీ అయినప్పటికీ ఊహించని ట్విస్టులతో ఈ సినిమా ఉంటుందని చిత్ర యూనిట్ ఇప్పటికే ప్రకటించింది.
ఈ సినిమాను.. మార్చి 11న ప్రపంచవ్యాప్తంగా విడుదల చేయనున్నారు. నిజానికి సంక్రాంతి కానుకగా ఈ సినిమా విడుదల కావాల్సి ఉంది. అయితే కరోనా థార్డ్వేవ్ వల్ల విడుదలను వాయిదా వేసింది చిత్ర యూనిట్.
ఈ మూవీలో జగపతి బాబు, ప్రియదర్శి, కృష్ణం రాజు (తెలుగులో), సత్యరాజ్ (మిగతా భాషల్లో), బాలీవుడ్ నటి భాగ్య శ్రీ, మురళీ శర్మ, జయరామ్ సహా పలువురు ఈ సినిమాల్లో కీలక పాత్రలు పోషించారు.
రాధా కృష్ణ కుమార్ ఈ సినిమాకు దర్శకత్వం వహించారు. టీ సిరీస్ ఫిలిమ్స్, యూవీ క్రియేషన్స్ సంయుక్తంగా నిర్మించాయి. ఈ మూవీకి భూషన్ కుమార్, వంశీ, ప్రమోద్లు నిర్మాతలు.
ప్రభాస్ నుంచి సాహో తర్వాత వస్తున్న తొలి సినిమా కావడంతో ఈ సినిమాపై దేశవ్యాప్తంగా భారీ అంచనాలున్నాయి.
Alsor read: Bheemla Nayak Collection: రూ.100 కోట్ల క్లబ్ లో అడుగుపెట్టిన పవన్ కల్యాణ్ 'భీమ్లా నాయక్'!
Also read:Nagababu: 'తెలుగు సినిమాలు బ్యాన్ చేయండి'.. మెగా బ్రదర్ నాగబాబు సంచలన వ్యాఖ్యలు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter, Facebook
