Manchu Vishnu Proposals to producers behalf on MAA: ప్రస్తుతానికి తెలుగు సినిమా షూటింగ్స్ నిలిచిపోయిన సంగతి తెలిసిందే. తమకు నాలుగు విషయాలలో కొన్ని అనుమానాలు ఉన్నాయని వాటన్నింటి మీద చర్చించి ఒక పరిష్కారం లభించిన తర్వాతే షూటింగ్స్ జరుపుతామని సినిమా నిర్మాతలు అందరూ కలిసి ఒక నిర్ణయం తీసుకున్నారు. దాదాపుగా హీరోలు కూడా వారి నిర్ణయానికి మద్దతు పలుకుతున్నట్లుగా భావించాలి. అంతర్గతంగా ఎలాంటి చర్చలు జరుగుతున్నాయో తెలియదు కానీ దిల్ రాజు మాత్రం ప్రస్తుతానికి నాలుగు సమస్యలు ఉన్నాయని వాటిని పరిష్కరించడం కోసమే నాలుగు కమిటీలు వేసామని ఆ కమిటీలు ప్రస్తుతానికి పనిచేస్తున్నాయని చెప్పుకొచ్చారు.
ఇక తాజాగా ప్రొడ్యూసర్స్ గిల్డ్ తో మూవీ ఆర్టిస్ట్ అసోసియేషన్ సమావేశమైంది. తాజాగా బుధవారం జరిగిన ఈ మీటింగ్ కు మూవీ ఆర్టిస్ట్ అసోసియేషన్ అధ్యక్షుడు మంచు విష్ణు, అలాగే ఎగ్జిక్యూటివ్ బాడీ మెంబర్స్ రఘుబాబు, శివ బాలాజీ, జీవిత రాజశేఖర్ హాజరయ్యారు. ప్రొడ్యూసర్స్ గిల్డ్ తరఫున దిల్ రాజు, మైత్రి మూవీ మేకర్స్ నిర్మాత నవీన్, సితార ఎంటర్టైన్మెంట్స్ నాగ వంశీ, శరత్ మరార్, బాపినీడు, వివేక్ కూచిభట్ల తదితరులు హాజరయ్యారు. అసలు షూటింగ్స్ ఎందుకు నిలిపి వేసాము? మళ్ళీ ఎప్పుడు మొదలు పెడతాము? వంటి విషయాల మీద మూవీ ఆర్టిస్ట్ అసోసియేషన్ ప్రతినిధులకు ప్రొడ్యూసర్స్ గిల్డ్ క్లారిటీ ఇచ్చినట్లు తెలుస్తోంది.
ఇక ఈ సందర్భంగా మూవీ ఆర్టిస్ట్ అసోసియేషన్ కూడా నిర్మాతల కు కొన్ని ప్రపోజల్స్ పెట్టినట్లు సమాచారం. అదేమిటంటే తెలుగు సినిమాల షూటింగ్స్ విషయంలో కచ్చితంగా మూవీ ఆర్టిస్ట్ అసోసియేషన్ సభ్యులనే తీసుకోవాలని మా సభ్యులు కోరినట్లు తెలుస్తోంది. అయితే ఒకవేళ అలా కుదరని పక్షంలో ఇతర భాష నటులను తీసుకోవాల్సిన పరిస్థితి ఏర్పడితే వారిని మూవీ ఆర్టిస్ట్ అసోసియేషన్ లో సభ్యులుగా చేర్చి తరువాత సినిమాలో నటింప చేయాలని కోరినట్లు తెలుస్తోంది.
ఇక ఈ సందర్భంగా మూవీ ఆర్టిస్ట్ అసోసియేషన్ సభ్యుల సినిమా కాస్టింగ్ క్లియర్ గా ఉండడం కోసం మాలో సీనియర్ సభ్యులుగా ఉన్న అనేకమంది ఆర్టిస్టుల వివరాలను ప్రొడ్యూసర్స్ గిల్డ్ కు = మంచు విష్ణు అందజేశారు. ఇక తాజాగా ఈ మీటింగ్ గురించి మంచు విష్ణు ట్వీట్ చేశారు. దిల్ రాజుతో కలిసి దిగిన ఫోటోని షేర్ చేసిన మంచు విష్ణు ..”మా అసోసియేషన్ తరపున తెలుగు సినిమా ప్రొడ్యూసర్‌లను కలవడం ప్రారంభించాము, మన తెలుగు సినిమాలలో ఎక్కువగా మా మెంబర్ షిప్ ఉన్న ఆర్టిస్టులనే తీసుకోవాలని కోరాము. కొత్త ఆర్టిస్టులని తీసుకొస్తే వారిని ‘మా’లో మెంబర్ షిప్ తీసుకునేలా ప్రోత్సహించాలని అడిగాము” అని కామెంట్ చేశారు.
Also Read: Jr NTR: మేనత్త కడచూపు నోచుకోని ఎన్టీఆర్.. నేరుగా ఇంటికే వెళ్లి ఆ రాతలపై ఆగ్రహం
Also Read: Hansika Marriage: పెళ్లి పీటలు ఎక్కబోతున్న స్టార్ హీరోయిన్ హన్సిక..వరుడు ఎవరో తెలుసా..?
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.Twitter , Facebook
