Nayanthara Remuneration viral: బాలీవుడ్ బాద్‌షా షారుఖ్‌ఖాన్‌(Shah rukh Khan) లేటెస్ట్ మూవీ 'జవాన్'. యాక్ష‌న్ ఎంట‌ర్‌టైన‌ర్‌గా రాబోతున్న ఈ సినిమాకు కోలీవుడ్ స్టార్ డైరెక్టర్ దర్శకత్వం వ‌హిస్తోన్నాడు. ఈ మూవీలో నయనతార(Nayanthara) హీరోయిన్‌గా న‌టిస్తోండ‌గా.. విజ‌య్ సేతుప‌తి(Vijay Sethupathi) విల‌న్‌గా కనిపించబోతున్నాడు. ఈ మూవీలో బాలీవుడ్ స్టార్ హీరోయిన్ దీపికా ప‌డుకోణె (Deepika Padukone) గెస్ట్ రోల్ చేయబోతుంది. ప‌ఠాన్ సక్సెస్ తర్వాత షారుఖ్ చేస్తున్న సినిమా కావడంతో ఈ మూవీపై అంచనాలు భారీగా పెరిగాయి. ఈ సినిమాకు అనిరుధ్ సంగీతం అందిస్తున్నాడు. ఈ మూవీ ద్వారా ద‌ర్శ‌కుడిగా అట్లీ, హీరోయిన్‌గా నయనతార బాలీవుడ్‌లోకి ఎంట్రీ ఇవ్వ‌బోతున్నారు.
దాదాపు 200 కోట్ల బ‌డ్జెట్‌తో రూపొందుతున్న ఈ సినిమాకు సెప్టెంబ‌ర్ 7న రిలీజ్ కానుంది. ఈ మూవీ విడుదలకు ముందే ఈ సినిమా నాలుగు వంద‌ల కోట్ల వరకు ప్రీ రిలీజ్ బిజినెస్ చేసిన‌ట్లు ట్రేడ్ వర్గాలు వెల్లడించాయి. తాజాగా ఈ సినిమాకు సంబంధించిన ఓ ఇంట్రెస్టింగ్ వార్త నెట్టింట హల్ చల్ చేస్తోంది. ఈ సినిమాలో హీరోయిన్‌గా నటించిన నయనతార కంటే గెస్ట్ రోల్ చేసిన దీపికా ప‌డుకోణెకే ఎక్కువ రెమ్యూనరేషన్ దక్కినట్లు సమాచారం. ఈ మూవీకిగానూ నయనతార 11 కోట్లు పారితోషికం తీసుకోగా.. దీపికా 17 నుంచి 20 కోట్ల వరకు రెమ్యూనరేషన్ అందుకున్నట్లు టాక్ వినిపిస్తోంది. ప్రతినాయకుడిగా నటించిన విజ‌య్ సేతుప‌తి 21 కోట్ల రెమ్యున‌రేష‌న్ తీసుకున్నట్లు ప్రచారం జరుగుతోంది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
