వివాదాస్పద దర్శకుడు రాంగోపాల్ వర్మ.. తన ఫేస్ బుక్ లో మరో ఆసక్తికర ఫోస్ట్ చేశారు . ఈ రోజు ఎన్టీఆర్, లక్ష్మీ పార్వతికి సంబంధించిన నిజ జీవితానికి సంబంధించిన ఫోటోలను పోస్టు చేశారు. అయితే వాటిలో ఏపీ సీఎం చంద్రబాబు కూడా ఉండటం గమనార్హం. 'లక్ష్మీస్ ఎన్టీఆర్' అంటూ ఎన్టీఆర్ లక్ష్మీపార్వతితో పాటు చంద్రబాబు ఉన్న ఫోటో చేసి మరో వివాదానానికి తెరదీశాడు వర్మ.
ఇప్పటికే 'లక్ష్మీస్ ఎన్టీఆర్' అంశం తెరపైకి వచ్చినప్పటి నుంచి టీడీపీ నేతల నుంచి అభ్యంతరాలు వ్యక్తమవుతున్న విషయం తెలిసిందే. ఈ విషయంలో మంత్రులు,ఎమ్మెల్యేలు సైతం స్పందించి విమర్శలు చేశారు. వర్మ కూడా తనదైన శైలిలో స్పందించడం జరిగింది. ఇలాంటి వేడి వాతావరణంలో పుండు మీద కారంచల్లినట్లుగా చంద్రబాబుతో ఉన్న ఫోటోను పోస్టు చేసి మరో వివాదానానికి తెరదీశాడు రాంగోపాల్ వర్మ. దీనిపై టీడీపీ నేతల రియాక్షన్ ఎలా ఉంటుందనేది ఆసక్తికరంగా మారింది.
