Zeenat hussain heart attack: బాలీవుడ్ సూపర్ స్టార్ అమీర్ ఖాన్ తల్లి జీనత్ గుండెపోటుకు గురయ్యారనే వార్త ఇప్పుడు చర్చనీయాంశం అయింది. బాలీవుడ్ మీడియా కథనాల ప్రకారం, పంచగని లోని నివాసంలో ఆమెకు గుండెపోటు వచ్చిందని అంటున్నారు. ఆమెకు గుండెపోటు ఇచ్చినపుడు అమీర్ ఖాన్ అక్కడే ఉన్నారని కూడా చెబుతున్నారు. నిజానికి దీపావళి పండుగ రోజున అమీర్ తన తల్లిని కలవడానికి వెళ్ళినప్పుడు గుండెపోటు వచ్చిందని, అమీర్ వెంటనే ఆమెను బ్రీచ్ కాండీ హాస్పిటల్‌లో చేర్చారని అప్పటి నుండి అమీర్ తన తల్లితో నిరంతరం ఆస్పత్రిలోనే ఉన్నాడని అంటున్నారు.
విశ్వసనీయ వర్గాల సమాచారం మేరకు అమీర్ తల్లి ఆసుపత్రిలో చికిత్స పొందుతోందని, ఆమె పరిస్థితి నిలకడగా ఉందని అంటున్నారు. అమీర్ తన తల్లితో ఒక ప్రత్యేక బంధాన్ని పంచుకున్నారు, ఇటీవల, ఒక ఇంటర్వ్యూలో, అమీర్ ఏదైనా సినిమా పూర్తి చేసిన తరువాత తన తల్లి స్పందన బట్టి ఆ సినిమా రిజల్ట్ ఎలా ఉండబోతుందా? అనే విషయం గ్రహిస్తారట.. లాల్ సింగ్ చద్దా విడుదల సమయంలో, తనకు సినిమా బాగా నచ్చిందని, ఎలాంటి ఎడిటింగ్ లేకుండా సినిమాను విడుదల చేయమని ఆమె సలహా ఇచ్చారట.
ఇక ఇదే సంభాషణలో, అమీర్ మాట్లాడుతూ, తన తల్లికి సినిమా నచ్చకపోతే, ఆమె వెంటనే చెబుతుందని కూడా అన్నారు. ఇక అమీర్ ఖాన్ సినిమాల విషయానికి వస్తే అమీర్ ఇటీవల 'లాల్ సింగ్ చద్దా' సినిమాతో ప్రేక్షకుల ముందుకు వచ్చారు, నిజానికి ఈ సినిమాతో ఆయన సుదీర్ఘ గ్యాప్ తర్వాత ప్రేక్షకుల ముందుకు వచ్చినా ఈ సినిమా బాక్సాఫీస్ వద్ద ఫ్లాప్ అని తేలింది.
ఈ సినిమా తర్వాత అమీర్ త్వరలో మరో విదేశీ సినిమా రీమేక్లో కనిపించనున్నాడు. మీడియా నివేదికల ప్రకారం, ఆయన స్పానిష్ చిత్రం 'ఛాంపియన్స్' అఫీషియల్ హిందీ రీమేక్లో నటించనున్నారని అంటున్నారు. అనుకరణలో పని చేయబోతున్నాడు.
Also Read: Samantha Myositis : అనారోగ్యంతో ఆస్పత్రిలో సమంత.. కదిలిన ఇండస్ట్రీ.. నాగబాబు అలా దర్శకేంద్రుడు ఇలా
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://bit.ly/3P3R74U
Apple Link - https://apple.co/3loQYe
Twitter , Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
