Honda Activa as EV: ఎప్పుడైతే మార్కెట్లోకి ఎలక్ట్రిక్ వాహనాలు అందుబాటులోకి వచ్చాయో అప్పటి నుంచే వాహనదారులకు పెట్రోల్, డీజిల్ వాహనాలపై కాకుండా ఎలక్ట్రిక్ వాహనాలపై భారీగా క్రేజ్ ఏర్పడింది. ఇటీవల కాలంలో కొత్తగా వాహనాలు కొనుగోలు చేసే వారి దృష్టి అంతా వీలైతే ఎలక్ట్రిక్ వాహనాలు కొనుగోలు చేయాలనే ప్రయత్నిస్తున్నారు. అయితే, ఇప్పుడిప్పుడే ఎలక్ట్రిక్ వాహనాలు మార్కెట్లోకి వస్తుండటంతో వాటి ఖరీదు కూడా అంతే భారీగా ఉంటోంది.
ఎలక్ట్రిక్ వాహనాలకు భారీ డిమాండ్ ఉండటం, సాంకేతికంగా వాటి మేకింగ్ కొంత ఖర్చుతో కూడుకున్నది కావడం వల్లే ఎలక్ట్రిక్ వాహనాల ఖరీదు ఎక్కువగా ఉండటానికి కారణమైంది. ఒకవేళ తమ బడ్జెట్‌లో ఎలక్ట్రిక్ వాహనాలను కొనుగోలు చేయలేకపోతున్నామే అని నిరాశకు గురైన వారు.. తమ తెలివితేటలు ఉపయోగించి తమ వద్ద ఉన్న వాహనాలనే ఎలక్ట్రిక్ వాహనాలుగా మాడిఫై చేసి ఆటోమొబైల్ రంగంలో తమ సత్తా చాటుకోవడమే కాకుండా ఎలక్ట్రిక్ వాహనాలను సొంతం చేసుకోవాలనే తమ కోరికను కూడా నెరవేర్చుకుంటున్నారు. ఇంకొంత మంది ఆ తెలివితేటలను ఉపయోగించి ఇతరులకు కూడా ఆర్డర్లపై ఎలక్ట్రిక్ వాహనాలను తయారు చేసి ఇస్తున్నారు.
ఇదిగో ఇప్పుడు మీరు చూడబోయే ఈ వైరల్ వీడియో కూడా అలాంటిదే. Diy Tech.in పేరుతో యూట్యూబ్ లో అప్ లోడ్ చేసిన ఈ వీడియో చూస్తే మీరు అవాక్కవక మానరు. ఈ వీడియోలో ఉన్న వ్యక్తి ఒక హోండా స్కూటీని తీసుకుని దానిని ఎలక్ట్రిక్ బైక్‌గా మార్చేశారు. అది కూడా కొత్త స్కూటీ కాదు.. 2012 నాటి మోడల్.. అంటే పదేళ్ల క్రితం స్కూటీ అన్నమాట.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter , Facebook
