EPFO e-nomination: చందాదారులకు ఈపీఎఫ్ఓ గుడ్ న్యూస్ చెప్పింది. ఈ-నామినేషన్ దాఖలు చేసేందుకు డిసెంబర్ 31 తర్వాత కూడా అవకాశం ఉంటుందని (EPFO e-nomination extended) స్పష్టం చేసింది.
చివరి తేదీ 31 అనే ఉద్దేశంతో ఒకేసారి పెద్ద ఎత్తున చందాదారులు ఈ-నామినేషన్ దాఖలుకు ప్రయత్నించగా.. ఈపీఎఫ్ వెబ్సైట్ ఒపెన్ కావడం లేదు. ఈ సమస్యపై పలువురు చందాదారులు ఈపీఎఫ్ఓను సంప్రదించారు. ఈ నేపథ్యంలో సబ్స్క్రైబర్లు ఎవరు కూడా ఆందోళన పడాల్సిన అవసరం లేదని స్పష్టం చేసింది. డిసెంబర్ 31 తర్వాత కూడా ఈ-నామినేషన్ చేయొచ్చని వివరించింది. అయితే వీలైనంత త్వరగా ఈ పనిని పూర్తి చేయడం మేలను సూచించింది.
Empower your family, file enomination. #EPFO pic.twitter.com/sY8EjuDjSs
— EPFO (@socialepfo) December 29, 2021
ఇంతకీ ఏమిటి ఈ-నామినేషన్ (What is EPFO e-nomination)?
చందాదారులలకు సామాజిక భద్రత కల్పించే ఉద్దేశంతో ఈపీఎఫ్ఓ.. డిపాజిట్ లింక్డ్ ఇన్సూరెన్స్ స్కీమ్ను అందుబాటులోకి తెచ్చింది. దీని ప్రకారం.. చందాదారులు అర్ధాంతరంగా మరణిస్తే.. వారి కుటుంబానికి రూ.7 లక్షల వరకు (గరిష్ఠంగా) బీమా చెల్లిస్తారు.
అయితే ఈ బీమాను క్లెయిమ్ చేసుకునే వ్యక్తి ఎవరనేది చందాదారుడే నిర్ణయించి ఉండాలి. ఇందుకోసం ఆన్లైన్ ద్వారా నామినేషన్ను దాఖలు చేయాలి. దీనినే ఈ-నామినేషన్ అంటారు. నామినీగా ఇద్దరు, ముగ్గురు కూడా ఉండొచ్చు.
ఈపీఎఫ్ ఆఫీస్కు వెళ్లకుండా.. నేరుగా ఆన్లైన్లోనే బీమా క్లెయిమ్ చేసుకునేందుకు ఈ-నామినేషన్ ఉపయోగపడుతుంది.
దాఖలు చేయడం ఎలా(How to file EPFO e-nomination)..
- ఈపీఎఫ్ఓ అధికారిక వెబ్సైట్లోకి లాగిన్ అవాలి
- సర్వీస్ సెక్షన్లో.. ఫర్ ఎంప్లాయిస్ ఆప్షన్ను ఎంచుకోవాలి
- ఇందులో ఆన్లైన్ సర్వీసెస్ను క్లిక్ చేయాలి
- ఇందులో యూఏఎన్ ఐడీ, పాస్వర్డ్తో లాగిన్ అవ్వాలి
- ఇక్కడ మీకు ఈ-నామినేషన్ ఆప్షన్ కనిపిస్తుంది
- ఇందులో ఫ్యామిలి వివరాలను ఇవ్వాల్సి ఉంటుంది (ఇక్కడ ఎవరు ఎంత క్లెయిమ్ చేసుకోవచ్చు అనే వివరాలు సమర్పించాలి)
- సెల్ఫ్ డిక్లరేషన్ సమర్పించి.. ఈ సైన్ బటన్ క్లిక్ చేయాలి
- మీ మొబైల్ నంబర్కు వచ్చిన ఓటీపీని ఎటర్ చేయడం ద్వారా ఈ ప్రక్రియ పూర్తవుతుంది.
Also read: Flipkart Year End Sale: రూ.19,999 ధర గల Realme 8s 5g స్మార్ట్ ఫోన్ కేవలం రూ.549కే..త్వరపడండి!
Also read: Best Electric Cars : దేశంలో అందుబాటులో ఉన్న టాప్ 5 బెస్ట్ ఎలక్ట్రిక్ కార్లు, వాటి ధరలు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
