பிப்ரவரிக்குப் பிறகு முதல் முறையாக, ஜூலை-ஆகஸ்ட் மாதங்களில் மேற்கிந்தியத் தீவுகள் சுற்றுப்பயணத்தின் போது இந்திய அணி டி20 வடிவத்தில் விளையாட உள்ளது. இந்த தொடரில் டி20 மற்றும் 50 ஓவர் போட்டிகள் நடைபெற உள்ளது. 2024 உலகக் கோப்பைக்கான கருத்தில் கொண்டு டி20ஐ வடிவத்தில் இளம் வீரர்களை தேர்வுக் குழு முயற்சித்து வருகிறது, இதனால் மீண்டும் மூத்த வீரர்களுக்கு வாய்ப்பு கிடைக்காமல் போகலாம். சீனியர்களுக்கு ஓய்வு அளிக்கப்பட்டால், ஹர்திக் பாண்டியா அணியை வழிநடத்துவார், துணை கேப்டனாக சூர்யகுமார் யாதவ் இருப்பார். இதனால் ரோஹித் சர்மா மற்றும் விராட் கோலிக்கு அணியில் இடமில்லை. 2022 டி20 உலகக் கோப்பைக்குப் பிறகு அவர்கள் டி20ஐ ஆட்டத்தில் விளையாடவில்லை, இப்போதைக்கு 2023ஆம் ஆண்டு ஒருநாள் உலகக் கோப்பையில் கவனம் செலுத்துவார்கள் என்று எதிர்பார்க்கப்படுகிறது. இந்த தொடரில் ஒரு சில ஐபிஎல் வீரர்களுக்கு தேர்வாளர்கள் நிச்சயமாக வெகுமதி அளிப்பார்கள் என்று கூறப்படுகிறது. பிசிசிஐ அறிவிப்புக்கு முன், மேற்கிந்தியத் தீவுகள் தொடருக்கான இந்தியாவின் சாத்தியமான டி20 அணியைப் பற்றி பார்க்கலாம்.
மேலும் படிக்க | WTC Final: ஆஸ்திரேலியாவின் முக்கிய வீரர் காயம்! குஷியில் இந்திய அணி!
தொடக்க ஆட்டக்காரர்கள்
இந்த தொடரில் ஷுப்மான் கில் விளையாட அதிக வாய்ப்பு உள்ளது. அவர் இஷான் கிஷன் அல்லது யஷஸ்வி ஜெய்ஸ்வால் ஆகியோருடன் இன்னிங்ஸைத் தொடங்கத் தயாராக இருக்கிறார். இஷான் அணியில் ஒரு உறுதியான தேர்வாக இருந்தாலும், யஷஸ்வி தனது முதல் டி20 அழைப்பைப் பெறத் தயாராக இருக்கிறார். ராஜஸ்தான் ராயல்ஸ் அணிக்காக ஐபிஎல் 2023ல் 625 ரன்களைக் குவித்தார், மேலும் 163.61 ஸ்ட்ரைக்-ரேட்டுடன் பேட்டிங் செய்தார்.
மிடில்-ஆர்டர்
துணை கேப்டன் சூர்யகுமார் யாதவ், ராகுல் திரிபாதியுடன் இணைந்து மிடில் ஆர்டரில் தொடர்ந்து பேட்டிங் செய்வார். ராகுலுக்கு ஐபிஎல் சீசன் நன்றாக இல்லை என்றாலும், தேசிய அணியில் அவரது தேர்வில் அது தாக்கத்தை ஏற்படுத்தும் என்று எதிர்பார்க்கப்படவில்லை. 2023ல் சஞ்சு சாம்சனுக்குப் பதிலாக டி20 அணியில் இடம் பெற்ற ஜிதேஷ் ஷர்மா, தனது இடத்தைத் தக்க வைத்துக் கொள்வார் என்று எதிர்பார்க்கப்படுகிறது. அவர் 156.06 ஸ்ட்ரைக் ரேட்டுடன் பேட்டிங் செய்தார் மற்றும் ஐபிஎல் 2023 இல் பஞ்சாப் கிங்ஸ் அணிக்காக 309 ரன்கள் எடுத்தார். தனது பினிஷிங் திறமையால், ரின்கு சிங் கரீபியன் தீவுகளுக்கான அணியில் இடம் பெறுவார். ஐபிஎல் 2023ல் கொல்கத்தா நைட் ரைடர்ஸ் அணிக்காக கிட்டத்தட்ட ஒவ்வொரு போட்டியிலும் பங்களித்தார்.
ஆல்ரவுண்டர்கள்
மூத்த வீரர் ரவீந்திர ஜடேஜாவுக்கு டி20 தொடரில் ஓய்வளிக்கப்படலாம், வாஷிங்டன் சுந்தர் அணியில் ஒரே சுழல் பந்துவீச்சு ஆல்ரவுண்டராக இருப்பார். சுந்தர் பவர்பிளேயில் விக்கெட்டுகளை எடுப்பதோடு பேட்டிங்கில் முக்கிய ரன்களை எடுக்க முடியும். ஹர்திக் பாண்டியா அணியை வழிநடத்துவார்.
பந்துவீச்சாளர்கள்
வேகப்பந்து வீச்சு தொடரில் சில மாற்றங்களைச் செய்ய வாய்ப்புள்ளது. ஐபிஎல் 2023ல் மோஹித் ஷர்மாவின் சிறப்பான பந்துவீச்சால் 8 ஆண்டுகளுக்குப் பிறகு இந்திய அணியில் இடம் பெறக்கூடும். குஜராத் டைட்டன்ஸ் அணிக்காக 14 போட்டிகளில் 27 விக்கெட்டுகளை வீழ்த்தினார். துஷார் தேஷ்பாண்டேவும் தேசிய அணியில் இடம் பெறலாம். அவர் 16 போட்டிகளில் 21 விக்கெட்டுகளை வீழ்த்தினார். அணியில் அர்ஷ்தீப் சிங்கின் இடம் குறித்து எந்த சந்தேகமும் இல்லை. குல்தீப் யாதவ் மற்றும் யுஸ்வேந்திர சாஹல் ஆகியோர் இணைந்து சுழல் தாக்குதலை தொடர்ந்து முன்னெடுப்பார்கள்.
வெஸ்ட் இண்டீஸ் டி20 தொடருக்கான இந்திய அணி: ஹர்திக் பாண்டியா (கேப்டன்), சூர்யகுமார் யாதவ் (துணை கேப்டன்), சுப்மன் கில், யஷஸ்வி ஜெய்ஸ்வால், இஷான் கிஷன், ராகுல் திரிபாதி, ஜிதேஷ் சர்மா, ரிங்கு சிங், வாஷிங்டன் சுந்தர், சிவம் மாவி, குல்தீப் யாதவ், யுஸ்வேந்திர சாஹல், துஷார் தேஷ்பாண்டே, அர்ஷ்தீப் சிங், மோகித் சர்மா
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
