நடிகர் மிர்ச்சி சிவா நடிப்பில், அமுதன் இயக்கத்தில் 2010-ம் ஆண்டு வெளியான தமிழ் திரைப்படம் "தமிழ் படம்". இதன் இரண்டாவது பாகம் தமிழ்படம் 2.0 படத்தின் டீசர் தற்போது வெளியாகி உள்ளது.
இந்தப் படத்தில் முதல் பாகத்தில் திஷா பாண்டே ஹீரோயினாக நடித்தார். எம்.எஸ்.பாஸ்கர், ‘வெண்ணிற ஆடை’ மூர்த்தி, மனோபாலா, டெல்லி கணேஷ், பரவை முனியம்மா ஆகியோர் நடித்திருந்தனர். தற்போது இந்தப்படத்தின் இரண்டாம் பாகத்தில் அதே கூட்டணியை வைத்து தமிழ்படம் 2.0 என்ற பெயரில் படமாகப்பட்டு வருகிறது.
இப்படம் மே 25 திரைக்கு வெளியாகும் என்று முன்னதாக அறிவிக்கப்பட்டிருந்தது. சில தொழில்நுட்ப பிரச்சனைகளால் படத்தின் ரிலீஸ் தேதி தள்ளிவைக்கப்பட்டுள்ளது.
இந்நிலையில், தற்போது தமிழ்படம் 2.0 இப்படத்தின் டீசர் இணையதளத்தில் வெளியாகி பெரும் வரவேற்ப்பு பெற்று வருகிறது.
