துபாய்: ஐக்கிய அரபு அமீரகத்தில் இருக்கும் ஏராளமான வெளிநாடு வாழ் இந்தியர்கள், பிரவாசி பாரதீய திவஸ் (பிபிடி) மாநாடு 2023 இல் கலந்து கொள்ள உள்ளனர். வெளிநாடுகளில் வசிக்கும் இந்தியர்களுடனான தொடர்பை வலுப்படுத்திக்கொள்ள இந்திய அரசாங்கத்தால் ஏற்படுத்தப்பட்டுள்ள ஒரு முதன்மை நிகழ்வாகும் இது. இந்த நிகழ்வு நான்கு ஆண்டு இடைவெளிக்கு பிறகு நடக்கிறது என்பது குறிப்பிடத்தக்கது. ஞாயிற்றுக்கிழமை துபாயில் PBD ஐ ஏற்பாடு செய்யும் இந்திய வெளியுறவு அமைச்சகத்தின் (MEA) உயர்மட்ட அதிகாரியுடன் வெளிநாடு வாழ் இந்தியர்களின் சமூகக் குழுக்களின் தலைவர்களின் கூட்டத்தில் இது தெரியவந்தது.
துபாயில் முன்னாள் இந்தியத் தூதராக இருந்த வெளிநாட்டு இந்திய விவகாரங்களுக்கான எம்இஏ இணைச் செயலர் அனுராக் பூஷன், 17வது PBD இல் ஐக்கிய அரபு அமீரகத்தில் உள்ள பெரிய இந்திய வெளிநாட்டவர் சமூகம் இந்த நிகழ்வில் பங்கேற்பதை உறுதி செய்வதற்காக மூத்த சமூக உறுப்பினர்களைச் சந்தித்தார்.
நான்கு ஆண்டுகளுக்குப் பிறகு முதல் தனிநபர் பிபிடி 2023 ஜனவரி 8 முதல் 10 வரை மத்தியப் பிரதேசத்தின் இந்தூரில் மத்தியப் பிரதேச மாநில அரசாங்கத்துடன் இணைந்து நடத்தப்படும் என்றார். MEA இல் PBD இன் பொறுப்பையும் வகிக்கும் பூஷன், "நான்கு ஆண்டுகளுக்குப் பிறகு மீண்டும் ஒரு பிசிக்கல் நிகழ்வை நடத்தப் போகிறோம் என்பதில் நாங்கள் மிகவும் மகிழ்ச்சியடைகிறோம்.” என்று கூறினார்.
இரண்டு ஆண்டுகளுக்கு ஒருமுறை நடத்தப்படும் இந்த நிகழ்வு இதற்கு முன்னர், கோவிட்-19 தொற்றுநோய் காரணமாக வர்சுவலாக நடைபெற்றது.
மேலும் படிக்க | அமீரகத்தில் வசிக்கும் இந்தியர்களுக்கு நல்ல செய்தி: எமிரேட்ஸ் அளித்த குட் நியூஸ்
இந்திய முதலீட்டாளர்களின் மிகப்பெரிய கூட்டமாக கருதப்படும் இந்நிகழ்வில் புலம்பெயர்ந்த இந்தியர்கள், குறிப்பாக உலகெங்கிலும் உள்ள முதலீட்டாளர்கள் கலந்துகொள்ள ஆர்வமாக உள்ளதாக பூஷன் கூறினார். வெளிநாடுகளில் உள்ள இந்தியத் தொழிலாளர்களின் பிரதிநிதித்துவத்தை உறுதிப்படுத்தவும் அரசாங்கம் முயற்சி செய்யும் என்றார்.
இந்த நிகழ்வில் கலந்துகொள்ள இணையதளத்தில் அதிக கட்டணம் வசூலிக்கப்படுவதாக சில சமூக உறுப்பினர்கள் பிரச்சினையை எழுப்பி வருகின்றனர். அரசாங்கம் கட்டணத்தை நியாயமானதாக வைத்திருக்க முயற்சித்ததாகவும், வெளிநாட்டவர் சமூக அமைப்புகளின் உறுப்பினர்களுக்கு குழு தள்ளுபடிகளை வழங்குவதாகவும் பூஷன் கூறினார்.
சார்டர்ட் விமானங்கள்
ஐக்கிய அரபு அமீரகத்தில் இருந்து இந்தூருக்கு வரையறுக்கப்பட்ட விமான இணைப்பு குறித்த கேள்வி எழுப்பப்பட்டபோது, பூஷன், “நாங்கள் சிவில் விமானப் போக்குவரத்து அமைச்சகத்துடன் தொடர்பில் இருக்கிறோம். நாங்கள் மற்ற விமான நிறுவனங்களுடனும் தொடர்பில் இருக்கிறோம்.” என்று கூறினார்.
புலம்பெயர்ந்த சமூகக் குழுக்கள் இந்த நிகழ்வை எதிர்பார்த்துக் கொண்டிருப்பதாக அவர் மேலும் கூறினார். இந்த நிகழ்வுக்கு வரும் மிகப்பெரிய பிரதிநிதிகள் ஐக்கிய அரபு அமீரகம் மற்றும் பல்வேறு சங்கங்களில் இருந்து வருவார்கள் என்பதில் தாங்கள் உறுதியாக உள்ளதாகவும் அவர் தெரிவித்தார்.
மேலும் படிக்க | இலங்கை பொருளாதார நெருக்கடியால் இந்தியாவில் அதிகரிக்கும் இலங்கை அகதிகளின் வரத்து
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
