உத்தரபிரதேசத்தில் கொரோனா வைரஸ் வழக்குகள் அதிகரித்து வரும் நிலையில், கௌதம புத்த நகரில் (நொய்டா) பிரிவு 144-னை ஏப்ரல் 30 வரை நீட்டிக்க அதிகாரிகள் முடிவு செய்துள்ளனர்.
கூடுதல் காவல்துறை ஆணையர் அசுதோஷ் திவேதி பிறப்பித்த உத்தரவின்படி, பிரிவு 144 CrCP ஏப்ரல் 30 வரை நீட்டிக்கப்பட்டுள்ளது. இந்த நடவடிக்கை மாவட்டத்தில் எந்தவொரு ஆர்ப்பாட்டங்களையும் அல்லது பிற கூட்டங்களையும் கட்டுப்படுத்தும் என நம்பப்படுகிறது.
இதனிடையே நொய்டாவில் உள்ள அதிகாரிகள் அனைத்து கல்வி நிறுவனங்களுக்கும் ஒரு உத்தரவை பிறப்பித்துள்ளனர். இந்த உத்தரவின் படி முழு அடைப்பு காலத்தில் மாணவர்களுக்கு கட்டணம் செலுத்த பெற்றோரை கட்டாயப்படுத்த முடியாது என்று குறிப்பிடப்பட்டுள்ளது. மேலும் இந்த காலகட்டத்தில் மாணவர்கள் ஆன்லைன் வகுப்புகளில் இருந்து வெளியேறக்கூடாது எனவும் மாவட்ட மாஜிஸ்திரேட் சுஹாஸ் வெளியிட்ட உத்தரவில் குறிப்பிடப்பட்டுள்ளது.
24 மணி நேரத்தில் கடமைக்கு அறிக்கை செய்யத் தவறினால் அவர்கள் மீது கடுமையான நடவடிக்கைகள் எடுக்கப்படும் என்றும் அவர் அதிகாரிகளுக்கு எச்சரிக்கை விடுத்துள்ளார்.
இந்த உத்தரவை பிறப்பிக்கும் போது, இந்த அதிகாரிகளின் நடத்தை ஏமாற்றமளிப்பதாகவும், தங்கள் கடமைகளை நிறைவேற்றுவதில் மிகுந்த அலட்சியம் காட்டுவதாகவும் சுஹாஸ் குறிப்பிட்டுள்ளார். மேலும, பணியில் இல்லாத அதிகாரிகள் ஏப்ரல் 5 நள்ளிரவுக்குள் தங்கள் இணைவு அறிக்கையை தலைமை மருத்துவ அதிகாரியிடம் சமர்ப்பிக்குமாறு பணிக்கப்பட்டுள்ளனர்.
நாட்டில் அதிகரித்து வரும் கொரோனா வைரஸ் வழக்குகளுக்கு மத்தியில் இந்த நடவடிக்கை எடுக்கப்பட்டுள்ளது. நொய்டாவில், கொடிய COVID-19 வைரஸ் இதுவரை 58 பேரை பாதித்துள்ளது.
தொற்றுநோயால் எட்டு புதிய வழக்குகள் சனிக்கிழமையன்று வெளியாகி, எண்ணிக்கை 58-ஆக உயர்ந்தது.
"நொய்டாவில் இருந்து இதுவரை 804 மாதிரிகள் கோவிட் -19 சோதனைக்கு அனுப்பப்பட்டுள்ளன, அவற்றில் 58 நேர்மறை, 614 எதிர்மறை மற்றும் மீதமுள்ள முடிவுகள் எதிர்பார்க்கப்படுகின்றன" என்று நொய்டா சுகாதாரத் துறை தனது தினசரி அறிக்கையில் தெரிவித்துள்ளது.
நோயிடா சுகாதாரத் துறையின் கூற்றுப்படி, எட்டு பேர் தொற்றுநோயிலிருந்து குணமடைந்து மருத்துவமனைகளில் இருந்து வெளியேற்றப்பட்டுள்ளனர். தற்போது, நொய்டா மற்றும் கிரேட்டர் நொய்டா முழுவதும் 1,129 பேர் கண்காணிப்பில் உள்ளனர், மேலும் 331 பேர் தனிமைப்படுத்தப்பட்டுள்ளனர் - 69 நொய்டா பல்கலைக்கழக விடுதி மற்றும் மீதமுள்ளவர்கள் நொய்டா மற்றும் கிரேட்டர் நொய்டா மருத்துவமனைகளில் சிறப்பு தனிமை வசதிகளில் உள்ளனர்.
கௌதம புத்த நகர் நாட்டிலும் உத்தரபிரதேசத்திலும் ஒரு கொரோனா வைரஸ் ஹாட்ஸ்பாட்டாக உருவெடுத்துள்ளது. டெல்லியை ஒட்டியுள்ள மாவட்டத்தில், மாநிலத்தில் அதிகபட்சமாக 227 கொரோனா வழக்குகள் பதிவாகியுள்ளதாக அதிகாரப்பூர்வ புள்ளிவிவரங்கள் தெரிவிக்கின்றன.
