ஓவர் வெயிட்டா? குண்டு குண்டா இருக்கும் கொண்டைக்கடலை உங்களை ஒல்லியாக்கும்.. இப்படி சாப்பிடுங்க

இன்றைய காலகட்டத்தில் உடல் எடை அதிகரிப்பு முக்கிய பிரச்சனையாக மாறியுள்ளது. இந்தியா மட்டுமின்றி, உலகெங்கிலும் உள்ள பலர் இந்த சிக்கலை எதிர்கொள்கின்றனர். இதன் காரணமாக அதிக கொலஸ்ட்ரால், அதிக இரத்த அழுத்தம், சர்க்கரை நோய், மாரடைப்பு போன்ற பிரச்சனைகள் ஏற்படுகின்றன. இதை கட்டுப்படுத்த கட்டாயமாக உணவில் மாற்றங்களைச் செய்ய வேண்டும், இல்லையெனில் பிரச்சனை அதிகரிக்கலாம். 

தொப்பை மற்றும் இடுப்பு கொழுப்பைக் குறைப்பது மிகவும் கடினமான வேலை. இதற்கு கடுமையான உடற்பயிற்சிகளும் கடுமையான உணவுக் கட்டுப்பாடும் தேவை. இன்றைய பிஸியான வாழ்க்கையில், ஜிம்மில் மணிக்கணக்கில் செலவிட பலருக்கு நேரமிருப்பதில்லை. சிலர் உடல் எடையை குறைக்க வேகவைத்த உணவை மட்டுமே சாப்பிட ஆரம்பிக்கிறார்கள். ஆனால் உடல் எடையை குறைக்க சலிப்பான உணவை மட்டுமே சாப்பிட வேண்டும் என்று இல்லை. பல இயற்கையான வழிகளில் உடல் எடையை குறைக்கலாம். உடல் எடையை குறைக்க உதவும் அப்படி ஒரு இயற்கையான வழியை பற்றி இந்த பதிவில் காணலாம். 

எடை இழப்புக்கு கொண்டைக்கடலை

ஆம்!! பார்க்க குண்டு குண்டாக இருக்கும் கொண்டைக்கடலை உங்களை ஒல்லியாக்கும் வல்லமை கொண்டது. எடை இழப்புக்கு கொண்டைக்கடலை மிகவும் பயனுள்ளதாக இருக்கும் என்று உங்களுக்கு தெரியுமா? கொண்டைக்கடலை சாப்பிடுவது உடலில் சேமித்து வைக்கப்பட்டுள்ள கூடுதல் கொழுப்பைக் குறைக்கும். எடை இழப்புக்கு கொண்டைக்கடலை எவ்வாறு பயன்படும்? அதை உங்கள் உணவில் எவ்வாறு சேர்த்துக்கொள்ளலாம் என்பதை விரிவாக இந்த பதிவில் காணலாம். 

உடல் எடையை குறைக்கும் கொண்டைக்கடலை 

கொண்டைக்கடலையில் புரதம் மற்றும் நார்ச்சத்து நிறைந்துள்ளது. இதன் காரணமாக இது எடையைக் குறைக்க உதவுவதாக சுகாதார நிபுணர்கள் கூறுகிறார்கள். இதை சாப்பிடுவதால் நீண்ட நேரம் வயிறு நிறைந்திருக்கும். இதனால் மீண்டும் மீண்டும் பசி எடுக்காது. மேலும், உடலில் இரத்த சர்க்கரை அதிகரிப்பதை இது தடுக்கிறது. இதன் பயன்பாடு தசைகளின் வளர்ச்சிக்கும் உதவுகிறது.

மேலும் படிக்க | தொங்கும் தொப்பை தொல்லை செய்கிறதா? 'இந்த' தண்ணீர் டெய்லி குடிங்க

எடை இழப்புக்கு கொண்டைக்கடலையை உட்கொள்வது எப்படி? 

கொண்டைக்கடலை சாலட்

எடை இழப்புக்கு கொண்டைக்கடலை சாலட் சாப்பிடலாம். இதற்கு, அரை கிண்ணம் அளவு கொண்டைக்கடலையை தண்ணீர் மற்றும் உப்பு சேர்த்து குக்கரில் வேக வைக்கவும். பின்னர் அதில் நறுக்கிய வெங்காயம், வெங்காயம், தக்காளி, பச்சை மிளகாய் மற்றும் பச்சை கொத்தமல்லி சேர்க்கவும். பின்னர் அதில் மசாலா மற்றும் எலுமிச்சை சாறு சேர்த்து நன்கு கலக்கவும். காலையில் காலை உணவாக இதை சாப்பிடலாம். இதை சாப்பிடுவதன் மூலம், உங்களுக்கு அடிக்கடி பசி எடுக்காது. இது எடை குறைவதை எளிதாக்கும்.

கொண்டைக்கடலை கறி

உடல் எடையை குறைக்க கொண்டைக்கடலை கறியையும் சாப்பிடலாம். சாப்பிடுவதற்கு சுவையாக இருப்பதைத் தவிர, இது ஆரோக்கியத்திற்கும் நன்மை பயக்கும். இந்த கறியை மிகவும் ஆரோக்கியமானதாக மாற்ற, இதை சமைக்கும் போது மிகவும் குறைந்த அளவு எண்ணெய் அல்லது நெய் பயன்படுத்தவும். நீங்கள் அதை மதிய உணவு அல்லது இரவு உணவில் சாப்பிடலாம். இதை சாப்பிடுவதால் உடல் எடை குறைவதற்கு அவசியமான செரிமான அமைப்பும் ஆரோக்கியமாக இருக்கும்.

வறுத்த கொண்டைக்கடலை

மாலை நேர ஸ்நாக்ஸில் ஜங்க் ஃபுட் சாப்பிடுவது உங்கள் எடையை வேகமாக அதிகரிக்கும். நீங்கள் உடல் எடையை குறைக்க விரும்பினால், வறுத்த கொண்டைக்கடலையை சிற்றுண்டிகளில் உட்கொள்ளலாம். இதற்கு வேகவைத்த கொண்டைக்கடலையை எடுத்துக் கொள்ளுங்கள். அதனுடன் சிவப்பு மிளகாய் தூள், கரம் மசாலா, சீரகத்தூள், சாட் மசாலா, ஆலிவ் எண்ணெய் மற்றும் உப்பு சேர்த்து நன்கு கலக்கவும். பின் பேக்கிங் ட்ரேயில் வைத்து மைக்ரோவேவில் 400°F ல் 20 முதல் 30 நிமிடங்கள் வரை வறுக்கவும். உங்களது சுவையான மாலை நேர ஸ்னேக்ஸ் தயாராகிவிடும். 

நீங்களும் உடல் எடையை குறைக்க விரும்பினால், இந்த 3 வழிகளில் கொண்டைக்கடலையை உட்கொள்ளலாம். இருப்பினும், நீங்கள் ஏதேனும் நோயால் பாதிக்கப்பட்டிருந்தால், இதை உட்கொள்ளும் முன் மருத்துவரை அணுகவும்.

(பொறுபுத் துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)

மேலும் படிக்க | அசுத்தமான குடலை சுத்தம் செய்யும் அற்புதமான 3 ஜூஸ்கள்

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ