நாட்கள் செல்ல செல்ல பட்ஜெட் தேதி நெருங்கி வருகிறது. நிதியமைச்சர் நிர்மலா சீதாராமன் பிப்ரவரி 1 ஆம் தேதி நாட்டின் பட்ஜெட்டை (BUDGET 2024) தாக்கல் செய்கிறார். இந்த ஆண்டு தேர்தல் ஆண்டு என்பதால், இது முழுமையான பட்ஜெட்டாக இருக்காது. இருப்பினும், சாமானிய மக்கள், குறிப்பாக வரி செலுத்துவோர், இந்த பட்ஜெட்டில் நிறைய எதிர்பார்ப்புகளை வைத்துள்ளனர். நாட்டின் பட்ஜெட் தாக்கல் செய்யப்படும் போதெல்லாம், வரி செலுத்துவோரிடமிருந்து மிக முக்கியமான கோரிக்கை எழுப்பப்படுகிறது. வரி செலுத்துவோர் ஒவ்வொரு முறையும் அரசாங்கம் சில வரிச் சலுகைகளை வழங்க வேண்டும் என்று எதிர்பார்க்கிறார்கள். இம்முறையும் பொது மக்கள் நிதி அமைச்சரிடம் பல கோரிக்கைகளை வைத்துள்ளனர். வரி தொடர்பான பொதுமக்களின் 5 எதிர்பார்ப்புகளைப் பற்றி தெரிந்து கொள்வோம்.
வருமான வரியில் 80டி விலக்கு வரம்பு
80டி பிரிவின் கீழ் தனிநபர்களுக்கான மருத்துவ காப்பீட்டு பிரீமியத்தில் (80D Deduction Limit) வருமான வரி விலக்கு (Income Tax) வரம்பை ரூ.25 ஆயிரத்தில் இருந்து ரூ.50 ஆயிரமாக உயர்த்த வேண்டும் என வரி செலுத்துவோர் கோரிக்கை விடுத்துள்ளனர். அதே சமயம் மூத்த குடிமக்களுக்கு இந்த வரம்பை ரூ.50 ஆயிரத்தில் இருந்து ரூ.75 ஆயிரமாக உயர்த்த வேண்டும். பணவீக்கம் காரணமாக மருத்துவ சிகிச்சை செலவுகள் அதிகரிப்பதே இதற்குப் பின்னால் உள்ள முக்கிய காரணம்.
மூலதன ஆதாய வரியை எளிமையாக்க வேண்டும்
தற்போதைய மூலதன ஆதாய வரி முறையின் சிக்கலான தன்மை முதலீட்டாளர்களை அதிருப்தியை கொடுத்துள்ளது. சொத்து பிரிவு, வைத்திருக்கும் காலம், வரி விகிதங்கள் மற்றும் குடியிருப்பு நிலை போன்ற பல காரணிகளைக் கருத்தில் கொள்ள வேண்டும். சமபங்கு மற்றும் கடன் கருவிகளின் வகைப்பாட்டை அரசாங்கம் நெறிப்படுத்த வேண்டும் என்று வரி நிபுணர்கள் கூறுகின்றனர். பட்டியலிடப்பட்ட மற்றும் பட்டியலிடப்படாத பங்குகளுக்கான வரி விதிப்பு ஒருங்கிணைக்கப்பட வேண்டும். மேலும், குறியீட்டு விதிகளும் எளிமைப்படுத்தப்பட வேண்டும்.
பெங்களூரு மக்கள் வைத்துள்ள கோரிக்கை
இந்திய அரசியலமைப்பின் படி, பெங்களூரு ஒரு பெருநகர நகரமாக அங்கீகரிக்கப்பட்டுள்ளது. ஆனால் வருமான வரி நோக்கங்களுக்காக, பெங்களூரு மெட்ரோ அல்லாத நகரமாக கருதப்படுகிறது. இதன் காரணமாக இங்குள்ளவர்களுக்கு HRA விலக்கு 40 சதவீதமாக வரையறுக்கப்பட்டுள்ளது. அதேசமயம் மெட்ரோ நகரங்களில் 50 சதவீதம் வரை விலக்கு கிடைக்கிறது.
வீடு வாங்குபவர்களுக்கு டிடிஎஸ் விதிகள் எளிதாக இருக்க வேண்டும்
தற்போது, 50 லட்ச ரூபாய்க்கு மேல் சொத்து வாங்கினால், 1 சதவீதம் டிடிஎஸ் பிடித்தம் செய்யப்படுகிறது. இந்திய குடியுரிமை விற்பனையாளர்களுக்கு இந்த செயல்முறை சற்று எளிதானது. படிவம் 26QB ஐப் பயன்படுத்தி அவர்கள் இதை நிறைவேற்ற முடியும். ஆனால் இந்த செயல்முறை NRI விற்பனையாளர்களுக்கு சிக்கலை ஏற்படுத்தும்.
புதிய வருமான வரி அடுக்கில் மாற்றம் தொடர்பான எதிர்பார்ப்பு
பட்ஜெட்டில் ரூ.10 லட்சம் வரையிலான சம்பளம் வாங்குபவர்களின் எதிர்பார்ப்பு மீது கவனம் செலுத்தப்படும் என்று தகவலறிந்த வட்டாரங்கள் தெரிவிக்கின்றன. இதில் மாற்றம் ஏற்பட வாய்ப்பு உள்ளது என்ற தகவல், நடுத்தர வர்க்கத்தினரிடையே எதிர்பார்ப்பை அதிகரித்துள்ளது. தற்போது, 10 லட்சம் ரூபாய் வரை சம்பளம் மீதான வரி விதிப்பு இரண்டு வரி அடுக்குகளில் வருகிறது. ரூ.6 முதல் 9 லட்சம் வரை, அதற்கு 10 சதவீத வரி விதிக்கப்படுகிறது.அதேசமயம், 9 லட்சம் முதல் 12 லட்சம் வரை 15 சதவீதம் வரி விதிக்கப்படுகிறது. அத்தகைய சூழ்நிலையில், இரண்டு வரி அடுக்குகளையும் இணைத்து ஒரு அடுக்காக ரூ.10 லட்சமாக மாற்ற முயற்சி மேற்கொள்ளப்படலாம் என தகவல்கள் தெரிவிக்கின்றன.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
