ரஜினி சாரை வைத்து படம் எடுக்க வாய்ப்பு கிடைத்தது ஆனா.. - பிரித்விராஜ் ஓபன் டாக்!

சூப்பர் ஸ்டார் ரஜினிகாந்த்தை வைத்து படம் எடுக்க வேண்டும் என்பது தமிழ் திரையுலக இயக்குநர்கள் மட்டுமல்லாது இந்திய அளவில் உள்ள இயக்குநர்களின் கனவு. அந்த கனவு சிலக்கு பலிக்கும் சிலக்கு கனவாகவே போய்விடும். இந்த நிலையில், ரஜினிகாந்த் படத்தை இயக்கும் வாய்ப்பு தேடி வந்தும் அதை மறுத்து இருக்கிறார் இயக்குநரும் நடிகருமான ப்ரித்விராஜ் சுகுமாரன். 

ரஜினி படத்திற்கு மறுப்பு

எம்புரான் நிகழ்ச்சியில் பேசிய ப்ரித்விராஜ் இதனை தெரிவித்துள்ளார். அந்த மேடையில் அவர் கூறியதாவது; லைகா ப்ரொடக்ஷன் நிறுவனம் ரஜினிகாந்த் சாரை வைத்து படம் இயக்கும் வாய்ப்பை கொடுத்தது. புது இயக்குநரான எனக்கு அப்படி ஒரு வாய்ப்பு கிடைத்தது பெரிய விஷயம். ஏதாவது பண்ண நினைத்தேன். ஆனால் ஒரு குறிப்பிட்ட நேரத்திற்குள் படத்தை எடுக்க நினைத்தது லைகா நிறுவனம். நான் ஒரு பகுதி நேர இயக்குநர் என்பதால் அதற்குள் என்னால் ரஜினி சாருக்கு கதை தயார் செய்ய முடியவில்லை என தெரிவித்தார். 

மேலும் படிங்க: தமிழக செஸ் வீராங்கனைக்கு கை கொடுக்க மறுப்பு.. உஸ்பெகிஸ்தான் வீரரால் வெடித்த சர்ச்சை!

முழு நேர நடிகராக இருந்த ப்ரித்விராஜ் கடந்த 2019ஆம் ஆண்டு வெளியான லூசிஃபர் மூலம் இயக்குநராக அவதாரம் எடுத்தார். அந்த படம் மிகப்பெரிய வெற்றி அடைந்தது. தனது முதல் படமே மலையாள சூப்பர் ஸ்டார் மோகன்லாலை வைத்து இயக்கினார் ப்ரித்விராஜ். இதையடுத்து தான் ப்ரித்விராஜுக்கு ரஜினிகாந்த்தை வைத்து படம் இயக்க வாய்ப்பு வந்துள்ளது. 

ரசிகர்கள் வாழ்த்து 

ப்ரித்விராஜ் ரஜினிகாந்த்தை வைத்து படம் இயக்க வாய்ப்பு கிடைத்து அதை ஏற்க முடியவில்லை என ப்ரித்விராஜ் வருத்தம் தெரிவித்த நிலையில், விரைவில் உங்களுக்கு ரஜினிகாந்த்தை வைத்து படம் இயக்கும் வாய்ப்பு கிடைக்கட்டும் என ரசிகர்கள் வாழ்த்தி வருகின்றனர். 

மேலும் படிங்க: சைஃப் அலிகான் கத்திக்குத்து விவகாரம்: "என் கல்யாணமே நின்றுவிட்டது".. கதறும் நபர்!

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ