కరోనా వ్యాక్సిన్ ( Corona vaccine )పై మరో గుడ్‌న్యూస్ అందుతోంది. ప్రముఖ అంతర్జాతీయ కంపెనీ ఫైజర్ ( Pfizer ) చేసిన ప్రకటన ఉత్సాహం కల్గిస్తోంది. మూడవ దశ ప్రయోగాలు 90 శాతం విజయవంతమైనట్టు ప్రకటించింది.
ప్రపంచవ్యాప్తంగా కరోనా వ్యాక్సిన్ ప్రయోగాలు పూర్తి కావస్తున్నాయి. ప్రముఖ కంపెనీల వ్యాక్సిన్‌లు మూడవ దశ ప్రయోగాల్లో ఉన్నాయి. బ్రిటన్‌కు చెందిన ఆక్స్‌ఫర్డ్- ఆస్ట్రాజెనెకా ( Oxford-AstraZeneca vaccine ) యూనివర్శిటీ వ్యాక్సిన్ డిసెంబర్, జనవరికి మార్కెట్లో విడుదలకు ఏర్పాట్లు సిద్ధం చేస్తోంది. ఈ క్రమంలో అమెరికాకు చెందిన ఫైజర్ సైతం గుడ్‌న్యూస్ అందించింది. ఆ సంస్థ అభివృద్ధి చేసిన కరోనా వ్యాక్సిన్ మూడవ దశ ప్రయోగాల్లో ఉంది. ఈ ఫలితాలు 90 శాతం విజయవంతమైనట్టు ఫైజర్ ప్రకటించింది. మొదటిసారి డోసు ఇచ్చిన 28 రోజులకు రెండోసారి రెండు డోసులిచ్చారు. 7 రోజుల అనంతరం సురక్షితంగా ఉన్నట్టు తెలిసింది.
తాము అబివృద్ధి చేసిన వ్యాక్సిన్ ..కరోనా వైరస్‌ను ( Corona virus ) అరికట్టడంతో విజయవంతంగా పని చేస్తుందని మూడోదశ ప్రయోగాల్లోని తొలి‌సెట్‌లో తెలిసిందని ఫైజర్ సీఈవో ఆల్బర్ట్ బోర్లా తెలిపారు. మరోవైపు ఆక్స్‌ఫర్డ్ - ఆస్ట్రాజెనెకా వ్యాక్సిన్ ఉత్పత్తిని ఆస్ట్రేలియా కంపెనీ సీఎస్ఎల్ లిమిటెడ్ ( CSL Limited ) ఇవాళే ప్రారంభించింది. దాదాపు 3 కోట్ల వ్యాక్సిన్ ఉత్పత్తి జరిగినట్టుగా తెలుస్తోంది.
ఇదే వ్యాక్సిన్‌ను ఇండియాకు చెందిన సీరమ్ ఇనిస్టిట్యూట్ ( Serum institute ) ఉత్పత్తి కూడా త్వరలో ప్రారంభం కానుంది. డిసెంబర్-జనవరి నాటికి వ్యాక్సిన్ అందుబాటులో వస్తుందని ఇప్పటికే సీరమ్ ప్రటించింది. Also read: UAE : ఇకపై అక్కడ మద్యపానం, సహజీవనం రెండూ ఆమోదమే
