Omicron Case in Hyderabad: తెలంగాణ రాష్ట్రంలో కరోనా కొత్త వేరియంట్ ఒమిక్రాన్ కేసు నమోదైంది. హైదరాబాద్ లోని హయత్‌నగర్‌కు ఇటీవలే 23 ఏళ్ల యువకుడు సూడాన్ నుంచి వచ్చాడు. ఆ యువకుడు ఇప్పుడు ఒమిక్రాన్ వైరస్ బారిన పడినట్లు వైద్యారోగ్యశాఖ అధికారులు వెల్లడించారు.
దీంతో అప్రమత్తమైన ఆరోగ్య అధికారులు యువకుడ్ని గచ్చిబౌలిలోని టిమ్స్ ఆస్పత్రికి తరలించారు. ఈ కేసుతో తెలంగాణలో ఒమిక్రాన్ కేసుల సంఖ్య 25కు చేరుకుంది.
హయత్‌నగర్‌లో ఒమిక్రాన్ కేసు నమోదవడంతో వైద్యఆరోగ్య సిబ్బంది అప్రమత్తమయ్యారు. హయత్నగర్లోని సత్యనారాయణ కాలనీలో ప్రత్యేక శిబిరం ఏర్పాటు చేశారు. బాధితుడు నివసిస్తున్న ప్రాంతంలో కొవిడ్‌ పరీక్షలు నిర్వహిస్తున్నారు.
బాధితుడు వ్యాక్సిన్ తీసుకోలేదు
సూడాన్ నుంచి హైదరాబాద్ వచ్చిన ఆ యువకుడికి కరోనా వైరస్ పాజిటివ్ తేలగా.. అతడి శాంపిల్స్ ను ఒమిక్రాన్ పరీక్షలకు పంపారు. అయితే అందులోనూ అతడికి పాజిటివ్ గా తేలింది. ఒమిక్రాన్ సోకిన ఆ యువకుడు కరోనా వ్యాక్సిన్ తీసుకోలేదని స్థానిక వైద్యాధికారిణి తెలిపారు. ఈ సందర్భంగా ప్రతి ఒక్కరూ టీకా తీసుకోవాలని వైద్య సిబ్బంది విజ్ఞప్తి చేస్తున్నారు. ఇంటింటికి వెళ్లి టీకా తీసుకోని వారి వివరాలు సేకరిస్తున్నారు.
Also Read: Harish Rao: పీయుష్ గోయల్ బేషరతుగా క్షమాపణ చెప్పాల్సిందే-హరీష్ రావు డిమాండ్
Also Read: Cold Wave in Telangana: చలికి వణికిపోతున్న తెలుగు రాష్ట్రాలు.. కనిష్టంగా 4.6 డిగ్రీలు నమోదు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
Twitter , Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
