భారతదేశంలోనే అతి పెద్ద మోటారు పంపును తెలంగాణలో కాళేశ్వరం ఎత్తిపోతల పథకానికి కేటాయించారు. ఒకేచోట చాలా ఎత్తుకు నీటిని ఎత్తిపోసే పంపును తయారుచేయడం ప్రపంచంలో కొన్ని చోట్ల చేశారని.. భారతదేశంలో ఇదే తొలిసారని ఈ సందర్భంగా తెలంగాణ నీటిపారుదల శాఖ తెలిపింది. 139 మెగావాట్ల సామర్థ్యం కలిగిన ఇలాంటి ఏడు పంపులు ఈ పథకానికి అవసరం.
180 టీఎంసీల నీటిని మేడిగడ్డ నుంచి మళ్లించే 'కాళేశ్వరం ఎత్తిపోతల పథకం'లో మొత్తం 82 పంపులు అవసరమవుతాయని అంచనా. దాదాపు 22,000 క్యూసెక్కుల నీటిని ఎత్తిపోయాడానికి వీటి అవసరం ఎంతో ఉంది. ప్రస్తుతం ఈ ప్రాజెక్టుకి పంపులు, మోటార్లకు అవసరమైన విద్యుత్తును సరఫరా చేసే ఏర్పాట్లను ట్రాన్స్‌కో శరవేగంగా చేస్తోంది. జయశంకర్ భూపాలపల్లి జిల్లా మహదేవ్‌పూర్ మండలంలోని కన్నేపల్లి గ్రామం వద్ద గోదావరి నదిపై నిర్మిస్తున్న కాళేశ్వరం ప్రాజెక్టుని తెలంగాణ ప్రభుత్వం రూ.80,500 కోట్లతో నిర్మిస్తోంది
