ఉల్లి ధరలపై ఆందోళనలు తీవ్రతరమవుతున్న తరుణంలో కేంద్ర ప్రభుత్వం ఉల్లి ధరలను అదుపు చేయలేకపోతోందంటూ కేంద్ర ప్రభుత్వంపై శివసేన తీవ్రంగా మండిపడింది. పార్టీకీ చెందిన సామ్నా పత్రిక సంపాదకీయంలో ఉల్లి ధరల పెరుగుదల అంశాన్ని ప్రస్తావిస్తూ కేంద్రంలోని మోదీ సర్కార్‌పై శివసేన తీవ్ర విమర్శలు చేసింది.
ఉల్లి ధరలు కోయకుండానే సామాన్య మానవుడికి కన్నీళ్లు తెప్పిస్తున్నాయి. ఇదే విషయమై పార్లమెంట్ శీతాకాల సమావేశాల సందర్భంగా పార్లమెంట్ ఆవరణలోని గాంధీ విగ్రహం వద్ద అన్నీ పార్టీల ఎంపీలు ఆందోళనకు దిగారు. ప్ల కార్డులు ప్రదర్శిస్తూ పార్లమెంట్ సభ్యులు తమ నిరసన తెలియజేశారు.
ఉల్లిగడ్డల ధరల పెరుగుదల వెనుక కేంద్ర ప్రభుత్వం భారీ కుంభకోణం దాగి ఉందని సంజయ్ సింగ్ ఆరోపించారు. ఆమ్ ఆద్మీ పార్టీ ఎంపీ సంజయ్ సింగ్ మంగళవారం పార్లమెంట్ ఆవరణలోని మహాత్మా గాంధీ విగ్రహం ఎదుట ఉల్లిగడ్డల మాల ధరించి పెరుగుతున్న ఉల్లి ధరలకు వ్యతిరేకంగా నిరసన తెలిపారు.
By accepting cookies, you agree to the storing of cookies on your device to enhance site navigation, analyze site usage, and assist in our marketing efforts.
