డిసెంబర్ 7న తెలంగాణతోపాటు రాజస్తాన్‌లో జరిగిన అసెంబ్లీ ఎన్నికలు సహా అంతకన్నా ముందుగా చత్తీస్‌ఘడ్, మధ్యప్రదేశ్, మిజోరాం రాష్ట్రాల్లోనూ జరిగిన అసెంబ్లీ ఎన్నికలకు ఫలితాలు నేడు వెలువడనున్నాయి. మొత్తంగా ఐదు రాష్ట్రాల అసెంబ్లీ ఎన్నికల ఫలితాలు వెల్లడికి నేటి ఉదయం 8 గంటలకే కౌంటింగ్ ప్రక్రియ ప్రారంభమైంది. తెలంగాణ, రాజస్తాన్, మధ్యప్రదేశ్, చత్తీస్‌ఘడ్, మిజోరాం రాష్ట్రాల అసెంబ్లీ ఎన్నికల్లో ఎవరు విజయఢంకా మోగించారు, ఓటర్లు ఎవరికి పట్టం కట్టారనే ఫలితం ఇంకొన్ని గంటల్లో తేలిపోనుంది.
తెలంగాణ ఎన్నికలు అనుహ్య పరిణామాలక వేదికగా మారింది రాష్ట్రం మొత్తం టీఆర్ఎస్ హవా నడిచినప్పటికీ ఖమ్మం, నాగర్‌ కర్నూలు జిల్లాల్లో తెరాసకు గట్టి షాక్ తగిలింది. ఖమ్మం జిల్లా పాలేరులో తెరాస సీనియర్ నేత మంత్రి తుమ్మల నాగేశ్వరరావు ఓటమి పాలయ్యారు. కాంగ్రెస్‌కు చెందిన సమీప ప్రత్యర్థి కందాళ ఉపేందర్‌రెడ్డి చేతిలో కేవలం దాదపు 2 వేల ఓట్ల తేడాతో ఓటమి చెందారు. చవిచూశారు. అలాగే నాగర్‌కర్నూలు జిల్లాలోని కొల్లాపూర్‌ నుంచి బరిలో నిలిచిన తెరాస అభ్యర్థి మాజీ మంత్రి జూపల్లి కృష్ణారావు.. కాంగ్రెస్‌కు చెందిన బీరం హర్షవర్థన్‌రెడ్డి చేతిలో ఓటమి చవిచూశారు.
ఊహించినట్లుగానే ఈ సారి కేటీఆర్ భారీ మెజార్టీతో గెలుపొందారు. సిరిసిల్ల నుంచి పోటీ చేసిన ఆయన ఈ సారి సమీప కాంగ్రెస్ అభ్యర్ధి కేకే మహేందర్ రెడ్డి పై 87,565 ఓట్లతో ఘన విజయసాధించారు. గత ఎన్నికల్లో 19 వేల మెజార్టీతో విజయం సాధించిన కేటీఆర్..ఈ సారి మరో రెండు రెట్ల ఎక్కువ మెజార్టీతో గెలుపొందడం విశేషయం. మరోవైపు గజ్వేల్ లో కేసీఆర్ కూడా 50 వేలకు పైగా భారీ మెజార్టీతో గెలుపు సాధింంచారు. తండ్రి కేసీఆర్ కంటే కేటీఆర్ కు భారీ మెాజార్టీ రావడం గమనార్హం.
తెలంగాణ ఎన్నికల్లో కాంగ్రెస్ పెద్ద షాక్ తగిలింది. సీనియర్ నేత జీవన్రెడ్డి ఓటమి పాలయ్యారు. ఈ నియోజకవర్గం నుంచి ఆరుసార్లు గెలిచిన జీవన్‌రెడ్డికి ఈసారి టీఆర్ఎస్ అభ్యర్థి సంజయ్‌ కుమార్‌ నుంచి గట్టిపోటీ ఎదురైంది. హోరాహోరీ పోరులో జీవన్‌రెడ్డిపై సంజయ్‌ విజయం సాధించారు. తాజా ఓటమితో జీవన్రెడ్డి వరుస గెలుపు రికార్డుకు బ్రేక్ పడింది.
తెలంగాణ ఎన్నికల ఓట్ల లెక్కింపులో తొలి ఫలితం వెల్లడైంది. చాంద్రాయణ గుట్ట ఎంఐఎం అభ్యర్థి అక్బరుద్దీన్‌ ఒవైసీ విజయం సాధించారు. తాజా విజయంతో ఆయన వరుగా ఐదోసారి ఎమ్మెల్యేగా ఎన్నికైనట్లయింది. గతంతో ఆయన 1999, 2004, 2009, 2014 ఎన్నికల్లో వరుసగా గెలుపొందుతూ వచ్చారు.
తెలంగాణలో కాంగ్రెస్ జోరు కొనసాగుతుంది. స్పష్టమైన మెజార్టీ దిశగా గులాబీదళం దూసుకువెళ్తోంది. ప్రస్తతం టీఆర్ఎస్ 95 స్థానాల్లో ఆధిక్యంలో కొనసాగుతుండగా .. కాంగ్రెస్ 17 స్థానాలు బీజేపీ 3 స్థానాలు ఎంఐఎం 5 స్థానాలు ఇతరులు 1 స్థానంలో ఆధిక్యంలో కొనసాగుతున్నాయి. తాజా పరిణామాలతో టీఆర్ఎస్ శ్రేణుల్లో సంబరాల్లో మునిగి తేలుతున్నారు.
By accepting cookies, you agree to the storing of cookies on your device to enhance site navigation, analyze site usage, and assist in our marketing efforts.
