Michelle Obama on divorce rumours: మిషెల్ ఒబామా టీమ్ కొన్ని రోజులుగా వస్తున్న విడాకుల రూమర్స్ పై స్పందించారు. ఈ క్రమంలో దీనిపై బిగ్ ట్విస్ట్ ఎదురైందని చెప్పుకొవచ్చు.
అమెరికా మాజీ అధ్యక్షుడు బరాజ్ ఒబామా, తన భార్య మిషెల్ ఒబామాతో విడిపొతున్నట్లు సోషల్ మీడియాలో విపరీతంగా వార్తలు వైరల్ అయ్యాయి. వీరిద్దరు కొన్నిరోజులుగా ఎడముఖం, పెడముఖంగా ఉంటున్నారని కూడా వార్తలు వచ్చాయి.
అంతే కాకుండా.. గతంలో కూడా ఈ జంట విడిపోదామని ప్రయత్నించారని.. కానీ చివరకు కౌన్సిలింగ్ వల్ల తిరిగి తమ మనస్సులు మార్చుకున్నారు. అయితే.. ఈ క్రమంలో తాజాగా.. మిషెల్ టీమ్ దీనిపై స్పందించింది.
బరాక్ ఒబామా, మిషెల్ ఒబామాల మధ్య మనస్పర్థలు ఉన్నాయని దానిలో వాస్తవంలేదన్నారు. ఇవన్ని రూమర్స్అంటూ కొట్టిపారేశారు. ఇలాంటి నిరాధార రూమర్స్ వ్యాప్తి చేయడం మానుకొవాలన్నారు.
ఇటీవల యూఎస్ మాజీ అధ్యక్షుడు జిమ్మీ కార్టర్ అంత్యక్రియల కార్యక్రమం సమయంలో మిషెల్ ఒబామా .. వ్యక్తిగత పనులు మీద వేరే దేశంలో ఉన్నారని..అందుకే హజరుకాలేదన్నారు.
అంతేకాకుండా.. ట్రంప్ గతంలో బరాక్ ఒబామా కుటుంబం, నల్ల జాతీయులపై ఇష్టమున్నట్లు వ్యాఖ్యలు చేయడం వల్ల.. ఆయన ప్రమాణ స్వీకారానికి దూరంగా ఉంటున్నట్లు వెల్లడించారు. ఈ విషయంలో మిషెల్ చాలా నొచ్చుకున్నట్లు టీమ్ వెల్లడిచింది.
ట్రంప్ ప్రమాణ స్వీకారానికి మిషెల్ ఒబామాతో పాటు.. నాన్సీ పెలోసీ, కాంగ్రెస్ నేత అలెగ్జాండ్రియా ఒకాసియో కోర్టెజ్ లు కూడా దూరంగా ఉంటున్నారు. ఈ నేపథ్యంలో ప్రస్తుతం వీరి డైవర్స్ విషయంలో వస్తున్న వార్తలకు మాత్రం చెక్ పెట్టినట్లైంది.
