Shraddha Das:కొంత మందికి ఎంత గ్లామర్, యాక్టింగ్ అనుభవం ఉన్న కొన్ని పాత్రలకే పరిమితం అవుతారు. అలాంటి భామల్లో శ్రద్ధా దాస్ ఒకరు. తెలుగులో ఈమె కేవలం గ్లామరస్ పాత్రలకే పరిమితమైంది. అల్లరి నరేష్‌తో చేసిన 'సిద్దు ఫ్రమ్ సీకాకుళం' సినిమాతో పరిచమైన ఈ భామ.. అల్లు అర్జున్ 'ఆర్య 2' మూవీతో ఒక్కసారిగా లైమ్‌లైట్‌లోకి వచ్చేసింది. ఆ తర్వాత అవకాశాలు వచ్చినా.. మెయిన్ హీరోయిన్‌కు తక్కువ. సెకండ్ హీరయిన్‌కు ఎక్కువ అన్నట్టు తయారైంది శ్రద్ధా దాస్ పరిస్థితి.
శ్రద్ధా దాస్ తెలుగు ఆడియన్స్‌కు పెద్దగా పరిచయాలు అక్కర్లేదు. యాక్టింగ్ కంటే తనదైన గ్లామర్‌తో ఇక్కడి ప్రేక్షకులను ఫిదా చేసింది. అల్లరి నరేష్‌ హీరోగా నటించిన 'సిద్దు ఫ్రమ్ సీకాకుళం' సినిమాతో కథానాయికగా పరిచయమైంది. తాజాగా అజంతా శిల్పంలా కనిపిస్తూ అభిమానులను కనువిందు చేసింది.
అల్లు అర్జున్, సుకుమార్ కాంబినేషన్‌లో వచ్చిన 'ఆర్య2'తో శ్రద్దా దాస్ పాపులర్ అయింది. ఆ సినిమా తర్వాత ఈ భామకు అవకాశాలు వరుస వచ్చినా.. స్టార్ హీరోయిన్ మాత్రం కాలేకపోయింది.
శ్రద్ధా దాస్ కేవలం తెలుగు సినిమాలకు మాత్రమే పరిమితం కాలేదు. హిందీలో 'లాహోర్', 'దిల్ తో బచ్ఛా హై' 'తీన్ పహేలియా' వంటి సినిమాల్లో నటించింది.
ప్రస్తుతం సరైన అవకాశాలు లేకపోవడంతో హాట్ ఫోటో షూట్స్‌ను నమ్ముకుంది. మరోవైపు వెబ్ సిరీస్‌లతో దూసుకుపోతుంది శ్రద్ధా దాస్. ఓటీటీ ఫ్లాట్‌ఫామ్‌లో వరుసగా ఛాన్సులు కొట్టేస్తోంది.
ఇక నెట్‌ఫ్లిక్స్ కోసం ఖాకీ బిహార్ ఛాప్టర్‌ వెబ్ సిరీస్‌లో శ్రద్ధా పాత్రకు మంచి రెస్పాన్స్ వచ్చింది. తెలుగు సహా ఇతర భాషల్లో కలిపి దాదాపు 40కి పైగా చిత్రాల్లో నటించి అలరించింది శ్రద్ధా దాస్.
తెలుగులో ముఖ్యంగా ఆర్య 2, డార్లింగ్, పీఎస్‌వీ గరుడవేగ, నాగవళ్లి సినిమాల్లో నటించినా.. శ్రద్దా దాస్ కెరీర్‌కు ఈ సినిమాలు పెద్దగా యూజ్ కాలేదనే చెప్పాలి.
