Kalki 2898 AD OTT News: రెబల్ స్టార్ ప్రభాస్ హీరోగా నటించిన లేటెస్ట్ మూవీ ‘కల్కి 2898 AD’, ఈ సినిమా గత నెల 27న విడుదలై బాక్సాఫీస్ దగ్గర బ్లాక్ బస్టర్ గా నిలిచింది. ఇక ఈ సినిమాను థియేటర్స్ లో చూడని ప్రేక్షకులు ఓటీటీలో ఎపుడు వస్తుందా అని ఎదురు చూస్తున్నారు. వారి ఎదురు చూపులు ఫలించే రోజులు వచ్చాయి.
రెబల్ స్టార్ ప్రభాస్..ఇది పేరు కాదు ఇట్స్ బ్రాండ్. ‘కల్కి 2898 AD’ మూవీతో పూటకో రికార్డును బ్రేక్ చేస్తున్నాడు. ఇప్పటికే యూఎస్ బాక్సాఫీస్ దగ్గర ఈ సినిమా $19 మిలియన్స్ డాలర్స్ రాబట్టి బాహుబలి 2 తర్వాత రెండో ప్లేస్ లో నిలిచింది.
అంతేకాదు కల్కి మూవీ బాక్సాఫీస్ దగ్గర రూ. 1100 కోట్ల గ్రాస్ (రూ. 555 కోట్ల షేర్) వసూల్లతో దూసుకుపోతుంది. ఈ వీకెండ్ తో ఈ సినిమా థియేట్రికల్ రన్ దాదాపు ముగుస్తుందనే చెప్పాలి.
ఏది ఏమైనా బాహుబలి 2 తర్వాత సలార్ తో పవర్ఫుల్ కమ్ బ్యాక్ ఇచ్చిన ప్రభాస్.. ‘కల్కి 2898 AD’ మూవీతో బాక్సాఫీస్ దగ్గర మంచి ఫలితాన్ని అందుకున్నాడు. అంతేకాదు బాహుబలి 2 తర్వాత ప్రభాస్ కు కల్కి రెండో వెయ్యి కోట్ల మూవీ.
తాజాగా కల్కి మూవీ ఓటీటీ రిలీజ్ డేట్ ఫిక్స్ అయింది. ఈ సినిమాను తెలుగు, హిందీ, కన్నడ, తమిళం, మలయాళ భాషలకు సంబంధించి ఆగష్టు 15 నుంచి ప్రముఖ ఓటీటీ అమెజాన్ ప్రైమ్ లో స్ట్రీమింగ్ కానుంది.
ఈ సినిమా విడుదలైన ఏడు వారాలకు ఈ సినిమాను ఓటీటీలో ప్రదర్శించేలా ముందే ఒప్పందం చేసుకున్నారు. ఆగష్టు 15 స్వాతంత్య్ర దినోత్సవం కాబట్టి ఈ రోజున ఈ సినిమాను స్ట్రీమింగ్ చేయనున్నట్టు సమాచారం.
ప్రభాస్ ఇతర చిత్రాల విషయానికొస్తే.. ఈ యేడాది చివర్లో మంచు విష్ణుతో చేస్తోన్న ‘కన్నప్ప’ డిసెంబర్ లో విడుదల కానుంది. అటు మారుతి దర్శకత్వంలో చేస్తోన్న ‘ది రాజాసాబ్’ సినిమా వచ్చే యేడాది సంక్రాంతి కానుకగా విడుదల కానుంది.
మరోవైపు ప్రశాంత్ నీల్ దర్శకత్వంలో చేస్తోన్న ‘సలార్ పార్ట్ 2 శౌర్యంగ పర్వం’, ఆ వెంటనే సందీప్ రెడ్డి వంగా దర్శకత్వంలో ‘స్పిరిట్’ మూవీ ఈ యేడాది చివర్లో పట్టాలెక్కనుంది. అటు హను రాఘవపూడితో చేస్తోన్న ఫౌజీ, అటు సిద్ధార్ధ్ ఆనంద్ చిత్రాలు లైన్ లో ఉన్నాయి.
