Jahnvi Kapoor: జాన్వీ కపూర్.. శ్రీదేవి కూతురిగా సినీ రంగ ప్రవేశం చేసి ఆమె కంటూ ప్రత్యేక గుర్తింపు తెచ్చుకుంది. ఈ యడాది జాన్వీ ‘దేవర’ మూవీతో సౌత్ సినీ ఇండస్ట్రీలో అడుగు పెట్టింది. కథానాయికగా ఈమెకు ఇదే ఫస్ట్ ప్యాన్ ఇండియా మూవీ. అంతేకాదు ఈ సినిమా సక్సెస్ అయినా.. జాన్వీ కపూర్ పాత్రకు పెద్దగా ఇంపార్టెన్స్ లేకపోవడంతో అమ్మడి ఆశలపై నీళ్లు చల్లినట్లైయింది.
శ్రీదేవి రూట్.. జాన్వీ కపూర్.. తల్లి శ్రీదేవి అడుగు జాడల్లో తెలుగు సినిమాలతో స్టార్ హీరోయిన్ కావాలని ప్రయత్నాలు ముమ్మురం చేసింది. అందుకు దక్షిణాది సినీ ఇండస్ట్రీలో ఎన్టీఆర్ ‘దేవర’ మూవీతో కథానాయికగా ఎంట్రీ ఇచ్చింది. ఈ సినిమాతో తెలుగు ప్రేక్షకులను మెప్పించింది.
జాన్వీ కెరీర్.. జాన్వీ కపూర్ హీరోయిన్ గా ఇండస్ట్రీలో అడుగుపెట్టి దాదాపు ఆరేళ్లు పూర్తి కావొచ్చింది. అయినా ఇప్పటికీ కథానాయికగా సరైన బ్రేక్ మాత్రం రాలేదనే చెప్పాలి. అందుకే దక్షిణాది సినీ ఇండస్ట్రీపై ఫోకస్ పెట్టింది.
జాన్వీ - దేవర.. జాన్వీ కపూర్.. ఎన్టీఆర్ హీరోగా కొరటాల శివ దర్శకత్వంలో తెరకెక్కుతోన్న ‘దేవర’ చిత్రంతో తెలుగు సినీ ఇండస్ట్రీలో లెగ్ పెట్టింది. ఈ సినిమాలో జాన్వీ కేవలం స్కిన్ షోకే పరిమితమైంది. రెండో పార్ట్ లో జాన్వీ పాత్రకు మంచి ఇంపార్టెన్స్ ఉండనుంది.మొత్తంగా సినిమా సక్సెస్ అయినా.. జాన్వీకి పెద్దగా ఒరిగిందేమి లేదు.
జాన్వీ కపూర్ - RC 16 మొత్తంగా తెలుగు చిత్ర పరిశ్రమలో ఎన్టీఆర్ తో చేస్తోన్న దేవర రెండు పార్ట్ లతో పాటు రామ్ చరణ్‌ తో RC 16 మూవీలతో టాలీవుడ్ లో పూర్తి స్థాయిలో జెండా పాతాలని చూస్తుంది జాన్వీ కపూర్.
జాన్వీ ఫస్ట్ మూవీ.. ఫస్ట్ సినిమా 'ధడక్‌' చిత్రంతో హీరోయిన్ గా ఎంట్రీ ఇచ్చింది జాన్వీకపూర్. ఆ చిత్రం బాక్సాఫీస్ దగ్గర మంచి విజయాన్నే అందుకుంది. కానీ ఆ త‌ర్వాత జాన్వీ యాక్ట్ చేసిన సినిమాలు థియేటర్ కు తక్కువ.. ఓటీటీకి ఎక్కువగా అన్నట్టుగా తయారయ్యాయి.
జాన్వీ - శ్రీదేవి డాటర్.. జాన్వీ కపూర్.. శ్రీదేవి కూతురుగానే వరుస ఛాన్సులు వస్తున్నాయనే చెప్పాలి. ఇన్నేళ్లలో ఈమెకు శ్రీదేవి కూతురుగా మంచి ఫేమ్ సంపాదించుకుంది. హిందీలో సరైన బ్రేక్ రాకపోవడంతో వరుసగా తెలుగులో సినిమాలు చేస్తోంది. అది కూడా బడా స్టార్ హీరోల సినిమాలతో టాలీవుడ్ లో సత్తా చాటే ప్రయత్నాలు ముమ్మురం చేసింది.
