AP Nirudyoga bruthi: ఏపీ సర్కార్‌ పండుగ రోజు శుభవార్త చెప్పింది. ఒక్కో పథకాన్ని అమలు చేస్తోన్న చంద్రన్న ప్రభుత్వం. తాజాగా మరో గుడ్‌ న్యూస్‌ చెప్పింది. వారి ఖాతాల్లో ఇక ప్రతినెలా రూ.3000 జమా చేయాలని ఉత్తర్వులు సైతం జారీ చేసింది.
పండుగ ముందు ఏపీ ప్రభుత్వం తీపి కబురు అందించింది. అధికారంలోకి వచ్చిన తర్వాత ఒక్కో పథకాన్ని ఎన్నికల్లో ఇచ్చిన హామీ మేరకు పూర్తి చేస్తోంది.
ఈ నేపథ్యంలో ఏడాదికి మూడు ఉచిత సిలిండర్‌లను ఈ దీపావళి పండుగ నుంచే ప్రారంభించిన సంగతి తెలిసిందే. తాజాగా మరో పథకాన్ని రాష్ట్రంలో అమలు చేస్తోంది.
రాష్ట్రంలో ఉన్న వేద పండితులకు నెలకు నిరుద్యోగ భృతి కింద రూ.3000 చెల్లించడానికి ప్రభుత్వం సిద్ధమైంది. ఈ సందర్భంగా సంబంధించిన ఉత్తర్వులు కూడా జారీ చేసింది. దీంతో వేద పండితులకు పండుగ ముందు తీపి కబురు అందినట్లయింది.
ఈ వేద పండితులకు శ్రీకాళహస్తి, అన్నవరం, సింహాచలం, కాణిపాకం వంటి ఆలయాల నుంచి సంభావన చెల్లించాలని చెప్పింది. అయితే, ఈ సాయం పొందే పండితులు వారి ఇళ్ల దగ్గరలో ఉన్న ఆలయంలో ప్రతిరోజూ ఓ గంటపాటు వేద పారాయణం కూడా చేయాలని చెప్పింది.
ఏపీ ప్రభుత్వం ఎన్నికల్లో ఇచ్చిన హామీ మేరకు ఈ నిరుద్యోగ భృతిని అందిస్తోంది. ఇటీవలె రాష్ట్రవ్యాప్తంగా దరఖాస్తులను కూడా స్వీకరించింది. వేద విద్యను అభ్యసించిన నిరుద్యోగ వేద పండితులకు ఈ సాయం అందనుంది.
ఈ సాయం పొందడానికి కావాలసిన పత్రాలు ముఖ్యంగా ఆధార్‌ కార్డు, వేద విద్య అభ్యసించిన పత్రాలు, తాము ఏ ఇతర పనులు చేయడం లేదని ధ్రువపత్రం కలిగి ఉండాలి. వీరి ఖాతాల్లో ప్రతినెలా రూ.3000 జమా అవుతుంది.
