Holiday: ఒకే రోజు రెండు పండుగలు.. తెలంగాణలో స్కూల్స్‌, ఆఫీస్‌లకు సెలవు
180844 ఐపీఎల్ తరహాలో ముంబాయిలో ఇవాళ మహిళల టీ20 మ్యాచ్ జరగనుంది. వాంఖడే స్టేడియంలో ఈ మ్యాచ్ జరగనుంది. ఐపీఎల్ ట్రయల్‌బ్లేజర్స్‌కు స్మృతి మంధాన, ఐపీఎల్ సూపర్‌నోవాస్‌కు హర్మన్‌ప్రీత్‌ నాయకత్వం వహించనున్నారు. విదేశీ మహిళా క్రికెటర్లు సుజీ బేట్స్‌ (న్యూజిలాండ్‌), అలిసా హీలీ, బేత్‌ మూనీ, ఎలిస్‌ పెర్రీ, మెగాన్‌ స్కట్‌ (ఆస్ట్రేలియా), డానియెలె వ్యాట్‌ (ఇంగ్లాండ్‌) ఈ మ్యాచ్‌లో ఆడునున్నారు. వాంఖడే స్టేడియంలో చెన్నై-హైదరాబాద్‌ మధ్య క్వాలిఫయర్‌-1 పోరుకు ముందు ఈ ఎగ్జిబిషన్‌ మ్యాచ్ జరుగుతుంది.
ఈ సందర్భంగా రెండు జట్ల కెప్టెన్లకు టీమిండియా కెప్టెన్ విరాట్ కొహ్లీ శుభాకాంక్షలు తెలిపాడు. తమ ఆటతో అందరినీ అలరించాలని కొహ్లీ ఆకాంక్షించారు. మహిళల లీగ్ టీ20కి ఇదొక టీజర్/ట్రయిలర్ కాబోతుందన్న కొహ్లీ.. తప్పక ఈ మ్యాచ్‌ను చూస్తానన్నాడు.
‘మహిళల టీ20 లీగ్‌ను ప్రకటించినందుకు సంతోషిస్తున్నా. ముంబయిలోని వాంఖడేలో మే 22న మ్యాచ్ జరగనుంది. మహిళల టీ20 లీగ్‌కు ఇదొక టీజర్ లేదా ట్రైలర్‌గా కాబోతోంది. స్మృతి, హర్మన్‌ రెండు జట్లకు నాయకత్వం వహిస్తున్నారు. వారికి ఆల్‌ది బెస్ట్‌. మైదానంలో మీ జట్ల ప్రదర్శన అందరికీ అలరించాలని కోరుకుంటున్నా. మీ మ్యాచ్‌ను తప్పక వీక్షిస్తా’ అని కోహ్లీ వీడియో సందేశం ఇచ్చాడు.
జట్లు...
ఐపీఎల్ ట్రయల్‌బ్లేజర్స్‌: మంధాన (కెప్టెన్), హీలీ (వికెట్‌కీపర్‌), సుజీ బేట్స్‌, దీప్తి శర్మ, బేత్‌ మూనీ, రోడ్రిగ్స్‌, హజెల్‌,పాండే, లీ తహుహు, జులన్‌, ఏక్తా బిష్త్‌, పూనమ్‌ యాదవ్‌, హేమలత.
ఐపీఎల్ సూపర్‌నోవాస్‌: హర్మన్‌ప్రీత్‌ (కెప్టెన్), డానియెలె వ్యాట్‌, మిథాలీ, మెగ్‌ లానింగ్‌, సోఫీ డివైన్‌, ఎలిస్‌ పెర్రీ, వేద కృష్ణమూర్తి, మోనా మేష్రమ్‌, పూజ వస్త్రకర్‌, మెగాన్‌ స్కట్‌, రాజేశ్వరి గైక్వాడ్‌, అనుజా పాటిల్‌, తాన్యా భాటియా (వికెట్‌కీపర్‌).
అమ్మాయిల మ్యాచ్ ఒక ట్రయిలర్: కొహ్లీ
