Live Blog
Bonalu Live Updates: తెలంగాణ సంస్కృతిలో బోనానికి ప్రత్యేక స్థానం ఉంది. అమ్మ దేవతలను పూజించేందుకు బోనమెత్తే సాంప్రదాయం తెలంగాణ అంతటా ఉంది. మహంకాళి బోనాలు, ఎల్లమ్మ బోనాలు, పోచమ్మ బోనాలు.. ఇలా ఆయా అమ్మ దేవతలను బోనమెత్తి పూజిస్తారు. ప్రస్తుతం హైదరాబాద్‌లో లష్కర్ బోనాలు జరుగుతున్నాయి. నేడు, రేపు రెండు రోజుల పాటు అంగరంగ వైభవంగా బోనాల జాతర జరుగుతుంది. పండగ నేపథ్యంలో సికింద్రాబాద్ ఉజ్జయినీ మహంకాళీ అమ్మవారి ఆలయానికి తెల్లవారుజాము నుంచే భక్తుల తాకిడి మొదలైంది. బోనమెత్తే మహిళలు, శివసత్తుల పూనకాలు, పోతురాజుల నృత్యాలతో బోనాల జాతర కన్నుల పండుగగా సాగనుంది. ఈ నేపథ్యంలో బోనాల జాతరపై ఎప్పటికప్పుడు లైవ్ అప్‌డేట్స్ మీకోసం...
