Holiday: ఒకే రోజు రెండు పండుగలు.. తెలంగాణలో స్కూల్స్‌, ఆఫీస్‌లకు సెలవు
180844 ఇండియన్‌ ప్రీమియర్‌ లీగ్‌ (ఐపీఎల్) 11వ సీజన్‌లో సన్‌రైజర్స్‌ హైదరాబాద్ తొలి విజయాన్ని నమోదు చేసింది. మొదటి మ్యాచ్‌లోనే రాజస్థాన్ రాయల్స్‌పై 9 వికెట్ల తేడాతో అనూహ్య విజయాన్ని కైవసం చేసుకుంది. శిఖర్ ధావన్ (77 నాటౌట్‌; 57 బంతుల్లో 13×4, 1×6) కేవలం 33 బంతుల్లో చేసిన మెరుపు లాంటి అర్థశతకం జట్టుకు నూతనోత్సాహాన్ని అందివ్వగా... కెప్టెన్ కేన్‌ విలియమ్సన్‌ (36 నాటౌట్‌; 35 బంతుల్లో 3×4, 1×6) కూడా రెచ్చి పోవడంతో భారీ స్కోరుని బీట్ చేయడం సన్ రైజర్లకు కష్టమేమీ అనిపించలేదు.
అంతకు ముందు రాజస్థాన్ రాయల్స్ 20 ఓవర్లలో 9 వికెట్ల నష్టానికి 125 పరుగులు చేసింది. సంజూ శాంసన్‌ (49; 42 బంతుల్లో 5×4) ఒక్కడే ఆ జట్టులో నిలకడగా ఆడుతూ పరుగులను వరదలా పారించాడు. ఆ తర్వాత వచ్చిన వారందరూ దాదాపు విఫలమయ్యారు. రహానె (13), రాహుల్‌ త్రిపాఠి (17) మాత్రమే కాస్త చెప్పుకోదగ్గ విధంగా ఆడారు. ఇక హైదరాబాద్ బౌలర్లలో షకిబ్‌ అల్‌ హసన్‌, శార్దూల్‌ ఠాకూర్‌ చెరో రెండు వికెట్లు తీశారు.
రాజస్థాన్ పై సన్ రైజర్స్ అద్భుత విజయం..!
