Israel-Beirut strike: లెబనాన్‌లోని హిజ్బుల్లా లక్ష్యాలపై ఇజ్రాయెల్ బలగాలు భారీగా దాడులు చేస్తున్నాయి. హిజ్బుల్లా మిలిటెంట్లు లక్ష్యంగా ఇజ్రాయెల్ దాడులకు దిగుతోంది. గత వారం నుంచి వైమానిక దాడులతో హిజ్బుల్లాపై పంజా విసురుతోంది. ఇప్పటికే దక్షిణ లెబనాన్ లోని 2వేలకు పైగా హిజ్బుల్లా లక్ష్యాలపై దాడి చేసినట్లు ఇజ్రాయెల్ తెలిపింది. బీరుట్ శివారులోని అపార్ట్‌మెంట్ భవనంపై వైమానిక దాడిలో హిజ్బుల్లా డ్రోన్ కమాండర్‌ను చంపినట్లు ఇజ్రాయెల్ సైన్యం ప్రకటించింది.
హతమైన కమాండర్ పేరు మహ్మద్ హుస్సేన్ సురూర్. అయితే, ఇజ్రాయెల్ వాదనపై హిజ్బుల్లా వెంటనే స్పందించలేదు. హిజ్బుల్లా స్థానాలపై ఇజ్రాయెల్ భారీ వైమానిక దాడులు చేసింది. లెబనాన్ హిజ్బుల్లా గ్రూప్ యొక్క TV స్టేషన్ బీరుట్ శివారులో ఇజ్రాయెల్ వైమానిక దాడిని నివేదించింది. అయితే ఈ దాడికి సంబంధించిన వివరాలను అల్-మనార్ టీవీ వెల్లడించలేదు. కానీ ఇజ్రాయెల్ సైన్యం బీరుట్‌కు దక్షిణాన దాడి చేసినట్లు పేర్కొంది.
హిజ్బుల్లా క్షిపణి విభాగానికి చెందిన సీనియర్ కమాండర్‌ను చంపిన రెండు రోజుల తర్వాత ఇదే విధమైన దాడి జరిగింది. ఇజ్రాయెల్ ప్రధాన మంత్రి బెంజమిన్ నెతన్యాహు ప్రభుత్వంలోని తీవ్రవాద మిత్రుడు హిజ్బుల్లాతో శాశ్వత కాల్పుల విరమణ కుదిరితే కూటమిని విడిచిపెడతానని బెదిరించాడు. తాత్కాలిక ఒప్పందం కుదిరితే సంకీర్ణంతో సహకారాన్ని నిలిపివేస్తామని జ్యూయిష్ పవర్ పార్టీ అధినేత ఇటమార్ బెన్-గ్విర్ బెదిరించారు. "తాత్కాలిక కాల్పుల విరమణ శాశ్వతమైతే, మేము ప్రభుత్వం నుండి రాజీనామా చేస్తాము," అని తెలిపారు.
Also Read: Gold Rate: తగ్గేదే లేదంటోన్న పసిడి ధర ..రూ. 78 వేలు దాటిన తులం..ఎక్కడి వరకూ ఈ పరుగు?
అంతర్జాతీయ కాల్పుల విరమణ ప్రయత్నాలపై నెతన్యాహు ప్రభుత్వం అసంతృప్తికి ఇది తాజా సంకేతం. బెన్-గ్విర్ సంకీర్ణాన్ని విడిచిపెట్టినట్లయితే, నెతన్యాహు తన పార్లమెంటరీ మెజారిటీని కోల్పోతాడు. అతని ప్రభుత్వం కూలిపోవచ్చు. అయినప్పటికీ ప్రతిపక్ష నాయకులు కాల్పుల విరమణ ఒప్పందానికి మద్దతు ఇస్తారని చెప్పారు.
హిజ్బుల్లా డ్రోన్ కమాండర్ దాక్కున్న బీరుట్ లోని దహియాలో బహుళ అంతస్తుల భవనంపై ఈ దాడులు జరిగినట్లు ఇజ్రాయెల్ పేర్కొంది. యూఏవీలు, పేలుడు పరికరాలను ఉపయోగించిన ఇజ్రాయెల్ పౌరులు, ఐడీఎఫ్ సైనికులపై అనేకు తీవ్రవాద దాడులకు పాల్పడింది. హిజ్బుల్లాలో సరూర్ దీర్ఘకాల సభ్యుడని ఐడీఎఫ్ వెల్లడించింది. మరోవైపు ఐక్యరాజ్యసమితి సాధారణ సభ కోసం న్యూయార్క్ కు వెళ్లే సమయంలో ప్రధాని బెంజమిన్ నెతన్యాహు హత్య అపరేషన్ కు ఆమోదం తెలిపారు ఇజ్రాయెల్ ప్రధాన కార్యాలయం వెల్లడించింది.
Also Read: PM Modi: సూపర్‌ కంప్యూటర్లను ఆవిష్కరించిన ప్రధాని మోదీ..వీటి ప్రత్యేకత ఏంటో తెలుసా?
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.Twitter, Facebook
