Holiday: ఒకే రోజు రెండు పండుగలు.. తెలంగాణలో స్కూల్స్‌, ఆఫీస్‌లకు సెలవు
180844 Hair Care Tips: ఇటీవలి కాలంలో కేశ సంబంధిత సమస్యలు పెరిగిపోతున్నాయి. హెయిర్ ఫాల్ సమస్య అధికంగా ఉంటోంది. జుట్టు రాలడం, మృదుత్వం లేకపోవడం, నిగారింపు కోల్పోవడం వంటి సమస్యలు ఉంటున్నాయి. ఈ సమస్యలకు మార్కెట్‌లో లభించే వివిధ రకాల ఉత్పత్తులేవీ స్పష్టమైన పరిష్కారాన్ని చూపించలేవు. అయితే కిచెన్‌లో లభించే వస్తువులతోనే ఈ సమస్యలు పరిష్కరించవచ్చు
Hair Care Tips: మీ జుట్టు అదే పనిగా రాలిపోతుందా, కిచెన్‌లో ఉండే ఈ వస్తువులతో హెయిర్ ఫాల్ కు చెక్
కేశాలకు ప్రతిరోజూ రాత్రి వేళ కొబ్బరి నూనె రాసి బాగా మస్సాజ్ చేసుకోవాలి. దీనివల్ల కేశాలు మృదువుగా మారతాయి. వేగంగా ఎదుగుతాయి. కొబ్బరి నూనెలో యాంటీ ఫంగల్, యాంటీ బ్యాక్టీరియల్ గుణాలు అధికంగా ఉంటాయి.
గుడ్లలోని తెల్లని భాగం కేశాలకు రాయడం వల్ల మంచి ఫలితాలు గమనించవచ్చు. గుడ్లలో ఉండే బయోటిన్, విటమిన్ బి కాంప్లెక్స్ కేశాల ఎదుగుదలకు దోహదం చేస్తాయి.
తలకు ఉల్లిపాయ రసం రాయడం వల్ల అద్భుతమైన ప్రయోజనాలు కలుగుతాయి. దీనివల్ల కేశాలు పటిష్టంగా మారడమే కాకుండా వేగంగా ఎదుగుతాయి. ఉల్లిపాయలో ఉండే సల్ఫర్ కొలాజెన్ ఉత్పత్తిని పెంచుతుంది. అల్లోవెరా జెల్ కూడా మంచి ఫలితాలనిస్తుంది.
మెంతులు ఓ గిన్నె నీటిలో తీసుకుని రాత్రంతా నానబెట్టాలి. మరుసటి రోజు దానిని పేస్ట్‌గా చేసి తలకు రాసుకోవాలి. ఈ మిశ్రమాన్ని స్కాల్ప్‌కు రాయాలి. ఇలా చేయడం వల్ల హెయిర్ ఫాల్ సమస్య నుంచి విముక్తి పొందవచ్చు.
ఇవే కాకుండా గ్రీన్ టీ కూడా కేశాలకు అద్భుతంగా పనిచేస్తుంది. గ్రీన్ టీని చల్లార్చి కేశాలకు రాసుకోవాలి. దీనికి తేనె కూడా కలపవచ్చు.
