Ravi Teja - Eagle: మాస్ మహారాజ్ రవితేజ..గతేడాది వాల్తేరు వీరయ్య, రావణాసుర, టైగర్ నాగేశ్వరరావు సినిమాలతో పలకరించారు. అందులో చిరు తమ్ముడిగా నటించిన వాల్తేరు వీరయ్య బాక్సాఫీస్ దగ్గర బ్లాక్ బస్టర్‌గా నిలిచింది. అయినా.. ఆ క్రెడిట్ మొత్తం మెగాస్టార్ ఖాతాలోకి వెళ్లింది. ప్రస్తుతం ఈయన ఈగిల్ మూవీతో పలకరించారు. సంక్రాంతి రేసులో విడుదల కావాల్సిన ఈ మూవీ థియేటర్స్ తీవ్ర పోటీ కారణంగా ఫిబ్రవరి 9కి పోస్ట్ పోన్ అయింది. గత శుక్రవారం విడుదలైన ఈ మూవీ మొదటి రోజు అనుకున్న దానికంటే తక్కువే వచ్చింది.టాక్ తగ్గ వసూళ్లు రాలేదు. పాజిటివ్ టాక్ కారణంగా ఈ సినిమా వసూళ్లు పెరిగే అవకాశాలున్నాయి.
ఈ సినిమా మొదటి రోజు తెలుగు రాష్ట్రాల్లో రూ. 3.93 కోట్ల షేర్ (రూ. 6.80 కోట్ల గ్రాస్) వసూళ్లను రాబట్టింది. ప్రపంచ వ్యాప్తంగా రూ. 4.93 కోట్ల షేర్ (రూ. 8.85 కోట్ల గ్రాస్) వసూళ్లను రాబట్టింది.
రవితేజ రీసెంట్ మూవీ ఫస్ట్ డే తెలుగు రాష్ట్రాల ఫస్ట్ డే కలెక్షన్స్ విషయానికొస్తే..
ఈగల్.. రూ. 3.93 కోట్ల షేర్
టైగర్ నాగేశ్వరరావు.. రూ. 4.33 కోట్ల షేర్
రావణాసుర .. రూ. 4.29 కోట్ల షేర్
ధమాకా... 4.66 కోట్ల షేర్
రామారావు ఆన్ డ్యూటీ.. రూ. 2.82 కోట్ల షేర్
ఖిలాడి.. రూ. 4.30 కోట్ల షేర్
క్రాక్.. రూ. 6.25 కోట్ల షేర్
డిస్కో రాజా.. రూ. 2.54 కోట్ల షేర్ రాబట్టింది. గత రెండు చిత్రాలతో పోలిస్తే.. ఇది తక్కవనే చెప్పాలి.
అటు ఈగల్ సహా రవితేజ గత చిత్రాల ప్రీ రిలీజ్ బిజినెస్ విషయానికొస్తే..
ఈగల్.. రూ. 21 కోట్లు..
టైగర్ నాగేశ్వరరావు .. రూ. 37.50 కోట్లు
రావాణాసుర.. రూ. 22.20 కోట్లు
ధమాకా... రూ. 18.60 కోట్ల షేర్
రామారావు ఆన్ డ్యూటీ.. రూ. 17.20 కోట్ల షేర్
ఖిలాడి.. రూ. 22.80 కోట్ల షేర్
క్రాక్.. రూ. 17 కోట్ల షేర్
డిస్కో రాజా.. రూ.19.2 కోట్ల ప్రీ రిలీజ్ బిజినెస్ చేసాయి. మరి తాజాగా విడుదలైన 'ఈగల్' మూవీ టాక్ బాగున్నా.. మొదటి రోజు అంతగా కలెక్షన్స్ రాబట్టలేకపోయాయి. కానీ రెండు రోజు ఈ సినిమా మంచి వసూళ్లనే రాబట్టే అవకాశాలు పుష్కలంగా ఉన్నాయి. ఈ రోజు ఆదివారం కూడా ఈ సినిమాకు కలిసొచ్చే అంశాలనే చెప్పాలి.
ఈగల్ మూవీ ఏరియా వైజ్ ప్రీ రిలీజ్ బిజినెస్ విషయానికొస్తే..
తెలంగాణ (నైజాం).. రూ. 6 కోట్లు..
రాయలసీమ (సీడెడ్).. రూ. 2.5 కోట్లు..
ఆంధ్ర ప్రదేశ్.. రూ. 8.5 కోట్లు..
ఆంధ్ర ప్రదేశ్ + తెలంగాణ కలిపి .. రూ. 17 కోట్లు..
కర్ణాటక + రెస్ట్ ఆఫ్ భారత్ కలిపి రూ. 2 కోట్లు..
ఓవర్సీస్.. రూ. 2 కోట్లు..
ప్రపంచ వ్యాప్తంగా ఈ మూవీ రూ. 21 కోట్ల ప్రీ రిలీజ్ బిజినెస్ చేసింది. మొదటి రెండు రోజుల్లో రూ. 12 కోట్ల వరకు రాబట్టే అవకాశాలున్నాయి. ఓవరాల్‌గా ఓ రూ. 10 కోట్ల షేర్ రాబడితే హిట్ అనిపించుకుంటుంది. మరి ఈ సినిమా బాక్సాఫీస్ దగ్గర నిలిచి గెలుస్తుందా లేదా అనేది చూడాలి.
'ఈగల్' మూవీ విషయానికొస్తే.. ఈ సినిమాలో హీరోగా రవితేజతో పాటు అనుపమ పరమేశ్వరన్, కావ్య థాపర్, నవదీప్, శ్రీనివాస్ అవసరాల, మధుబాల ముఖ్యపాత్రల్లో నటించారు.ఈ సినిమాను కార్తీక్ ఘట్టమనేని దర్శకత్వం వహించారు. దాంతో పాటు రచన, ఎడిటింగ్ నిర్వహించారు. సంగీతం దావ్జాంద్ అందించారు. విశ్వప్రసాద్, వివేక్ కూచిభొట్ల భారీ ఎత్తున లావిష్‌గా నిర్మించారు.రవితేజ సినిమాల విషయానికొస్తే.. క్రాక్ తర్వాత మరోసారి గోపీచంద్ మలినేని దర్శకత్వంలో ఓ సినిమా చేస్తున్నారు. దీనికి సంబంధించిన ప్రకటన విడుదల చేసారు. మైత్రీ మూవీ మేకర్స్ భారీ ఎత్తున నిర్మిస్తోంది. అటు హరీష్ శంకర్ దర్శకత్వంలో హిందీ రీమేక్ 'రెయిడ్' మూవీ చేస్తున్నారు. ఈ మూవీకి 'మిస్టర్ బచ్చన్' అనే టైటిల్ ఖరారు చేసారు. గతంలో వీళ్ల కాంబినేషన్‌లో షాక్, మిరపకాయ్ సినిమాలు వచ్చాయి. ఇపుడు రాబోతున్న 'మిస్టర్ బచ్చన్' మూవీ పై భారీ అంచనాలే ఉన్నాయి.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Facebook, Twitter
